1 JOHAN 5:19 - Pathien Lekhabu Inthieng (BSI)

¹⁹ Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 JOHAN 5:19 ပူးပေါင်းရင်းမြစ်များ

LUKA 4:6

Chun, a kuomah, “Hieng po po chunga thuneina le ropuina hi pêng ka ti che; ka kuomah pêk a ni ta sih a, ka nuom taphawt kuomah ka pêk hlak bawk a nih.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 14:30

In kuomah thu hril nâwk mang ta naw ning, khawvêl lal a hung ding a ni sih a, ama chun keimaah iengkhawm a nei nawh,

JOHAN 16:11

rorêl thua dâm thiemnaw chang an tih, hi khawvêl lal hi inthiemloa a tlûk ta leiin.

JOHAN 17:15

“Nangin anni chu khawvêla inthawka i lâk suok dinga ngên ka ni nawh a, mi suola inthawk chun i hum ding a nih ka ti lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:16

Thlarau ngei chun, eini thlarau leh, Pathien nauhai ei nih ti a mîn hriettir hlak.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet sih a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pe tah a;

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

2 TIMOTHE 1:12

Chu lei chun a nih hieng thilhai khawm hi ka tuor chu, nisienla- khawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 JOHAN 3:14

Unauhai ei hmangai leiin thi- naa inthawkin ei suok a, hringnaah ei lût tah ti ei hriet. Tûkhawm hma- ngaina nei naw taphawt chu thinaah a la um zing a nih.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet. Thlarau a mi pêka hin.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 JOHAN 5:13

Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.

1 JOHAN 5:15

Chuongchun, iengkhawm ei hni taphawt a mi ngaipêk hlak ti ei hriet chun, a kuoma ei thil hni chu ei hmu tah ti ei hriet a nih.

1 JOHAN 5:18

Tûkhawm Pathien inei chun thil a suk suol nawh ti ei hriet; Pathien inei khan ama chu a hum zing a. Mi suol chun tâwk khawm a tâwk thei naw hrim a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 20:3

vânsama chun a pei lût a, a khâr khum a, kum sâng khat chu ân vawi hmakhat chu hnam tin a hlêm nâwk ta nawna dingin a châr nel tah a; chu hnunga chun sâwtnawtêa dingin insuo nâwk ding a nih.