1 JOHAN 5:18 - Pathien Lekhabu Inthieng (BSI)

¹⁸ Tûkhawm Pathien inei chun thil a suk suol nawh ti ei hriet; Pathien inei khan ama chu a hum zing a. Mi suol chun tâwk khawm a tâwk thei naw hrim a nih.

1 JOHAN 5:18 ပူးပေါင်းရင်းမြစ်များ

INPÂKNA HLABU 119:101

I thu ka zâwm theina dingin, Lampui suola hrim hrim chun ka kehai hi pên ka phal nawh.

INPÂKNA HLABU 119:3

Anih, anni chun fel nawna hrim hrim an thaw nawh a, A lampuihaia chun an fe hlak.

INPÂKNA HLABU 17:4

Mihriem thilthawa chun chu, i hmûra thu suok leiin, Mi nunrâwng lampui chu hraw lo dingin kân vawng ṭha a nih.

INPÂKNA HLABU 18:23

Ama kuoma chun demkailo ka lo na, Ka khawhlonaa inthawk chun kân siekieng hlak.

INPÂKNA HLABU 39:1

Ka lei hin thil ka suksuol nawna dingin, Ka umdânhai hi vêng ṭhang ka ta; Mi rilohai ka hmaha an um sûng po, Ka bau hi hmûrkhitnain khit ka tih, ka tih a.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

LEVI DÂN 11:37

Chun, thlai chi chîngmi hrim hrim chu an ruong chun a ieng lai khawm lo del ta sienla a pawrche nawh a.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

JOHAN 1:13

Chuong mihai chu thisena nei an ni nawh a, tisa dit zâwnga nei an ni bawk nawh a, pasal dit zâwnga nei khawm an ni nawh a, Pathien inei an ni lem.

JOHAN 14:30

In kuomah thu hril nâwk mang ta naw ning, khawvêl lal a hung ding a ni sih a, ama chun keimaah iengkhawm a nei nawh,

JOHAN 15:4

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

JOHAN 15:9

“Pain a mi hmangai ang bawkin kei khawmin ka hmangai cheu hi; ka ihmangaiin um zing ro.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hleh a; ṭhahnemngai- taka Lalpa chel zing dingin an rêngin ân fui tah a.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:12

Kaina mi suol laia mi, mani unau thattu ang khan um loin. Ieng- leiin am a that a? Ama thilthawhai a suol a, a unau thilthawhai a fel leiin.

1 JOHAN 3:3

Tûkhawm ama chunga chu bei- seina nei taphawt chu ama ân thieng angin ân sukthieng hlak.

1 JOHAN 3:9

Tûkhawm Pathien inei chun, Pathien chi amaa a um zing leiin thil a suksuol ngai nawh; Pathien inei a ni leiin thil a suksuol thei bawk nawh.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:15

Chuongchun, iengkhawm ei hni taphawt a mi ngaipêk hlak ti ei hriet chun, a kuoma ei thil hni chu ei hmu tah ti ei hriet a nih.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 JOHAN 5:21

Nauhai, milima inthawkin in siekieng ro.

1 JOHAN 5:4

Pathien inei taphawt chun khaw- vêl a hne pei sih a; hi hi khawvêl hnea ngamna chu a nih, ei ringna hi.

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 2:13

I umna Setan ṭhungpha umna kha ka hriet; chun, ka hming i kawl tlat a, ka thu hretu Antipa, Setan umnaa nangni laia an ithat, ka mi ringumtak um lai ngei khawm khan i mi ringna hi în phat san naw bawk a.