1 JOHAN 4:19 - Pathien Lekhabu Inthieng (BSI)

¹⁹ Amain a mi hmangai hmasak leiin ei hmangai a nih:

1 JOHAN 4:19 ပူးပေါင်းရင်းမြစ်များ

LUKA 7:47

Chuleiin, ka ti che hi, a suol tamtak kha ngaidamin a um tah; ama khawmin a hmangai ta bêk bêk a ni hi; amiruokchu, ngaidam tlâwm chun, tlâwmtêin a hmangai hlak,” a ta.

JOHAN 15:16

Nangnîn in mi thlang nawh a, keiin ka thlang lem cheu a, va ra ding le in ra chu um zing dingin ka ruot bawk cheu a nih; ka hminga Pa kuoma in hni taphawt a pêkna ding cheuin.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

1 JOHAN 4:10

Hitaka hin hmangaina a um, einin Pathien ei hmangai ka ti a ni nawh a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?