1 JOHAN 4:14 - Pathien Lekhabu Inthieng (BSI)

¹⁴ Chun, Pain Naupa chu khawvêl sandamtua um dingin a hungtir ti ei hmu tah a, ei inhriettir a nih.

1 JOHAN 4:14 ပူးပေါင်းရင်းမြစ်များ

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 12:47

Tûkhawm ka thu hril hrein awi naw sienla khawm, keiin thiemnaw kân chang tir nawh; khawvêl thiemnaw inchangtir dinga hung ka ni nawh a; khawvêl sanhim dinga hung ka ni lem.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:32

A hmu le a hriet taphawt ân hriettir hlak a nih; tukhawmin a thu inhriettir an awi nawh.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet tah a, hi mipa hi khawvêl Sandamtu a ni ngei ti kan hriet tah,” an ta.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni sih a.

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um tah a, Isu kha Krista a nih ti Judahai chu a hrilfie a. Nisien- lakhawm, an kalin an hrilpâwi a,

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

1 JOHAN 4:10

Hitaka hin hmangaina a um, einin Pathien ei hmangai ka ti a ni nawh a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

1 JOHAN 5:9

Mihriem inhriettirna hman ei pawm chun Pathien inhriettirna chu a ropui lem sih a; Pathien inhriet- tirna chu hi hi a nih, “Ka Naupa chanchin kân hriettir tah,” ti hi.