1 JOHAN 3:15 - Pathien Lekhabu Inthieng (BSI)

¹⁵ Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.

1 JOHAN 3:15 ပူးပေါင်းရင်းမြစ်များ

INṬANNA 27:41

Chun, a pain mal a sâwmna lei chun Esau chun Jakob chu a theida tah a. Esau chun a lungrilin, “Ka pa sûn ni ding chu a hnai tah a, chu pha chun ka sang Jakob chu that el ka tih,” a tih a.

MATTHAI 5:28

Kei ruok chun, tukhawm nu- hmei dit ena en taphawt chun, a lungrilah a uire zing a nih ti ka hril cheu hi.

MARKA 6:19

Chuleichun, Herodi chun ama chu a ngei naw rân el a, sukhlum a nuom a; nisienlakhawm, a thei si nawh a;

JOHAN 4:14

tûkhawm an kuoma ka pêk ding tui dâwn taphawt ruok chu, kum- khuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

THILTHAWHAI 23:12

Chun, nisa a suok chun Judahai an ṭhang ruol a, Paula an that hmakhat chu iengkhawm faa dâwn lo dingin an inkhâm a.

THILTHAWHAI 23:14

Anni chu thiempu lalhai le upahai kuomah an feh a, “Paula kan that hmakhat chu iengkhawm intem lo dingin kan inkhâm tah a nih.

DÂN PAHNINA 19:11

Amiruokchu, miin a tuolbâwm chu a theida a, ân chân a, a thawh a, thi khawp raka a vuok a, chu khuo laia pakhata chun a tlân chun,

JAKOB 1:15

Chun, châkna chun tê a vawn a, suol a nei hlak; chun, suol chun a hung puitlingin thina a hung suksuok hlak.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

1 JOHAN 2:9

Mâni unau theida sih a, “Varah ka um,” titu chu, tu chen khawm hin inthimah a la um zing a nih.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.