1 JOHAN 2:3 - Pathien Lekhabu Inthieng (BSI)

³ Chun, a thupêkhai pawm ei ni chun, chutaka chun ama chu ei hriet ti ei inhriet.

1 JOHAN 2:3 ပူးပေါင်းရင်းမြစ်များ

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

INPÂKNA HLABU 119:6

Chu pha chun muolpho naw ning, I thupêkhai po po ka pawisak pha chun.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

LUKA 6:46

“Chun, nangnîn ieng dinga ka thu zâwm si loa, ‘Lalpa, Lalpa,’ in mi ti hlak am?

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 15:14

Thu ka pêk taphawt cheu in thaw chun, ka ruolhai nîng in tih.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,

1 JOHAN 2:13

Pahai, ama, a tira inthawka um zing chu in hriet leiin in kuomah ka ziek a nih. Ruoltharhai, mi suol chu in hne tâk leiin in kuomah ka ziek a ni hi.

1 JOHAN 3:14

Unauhai ei hmangai leiin thi- naa inthawkin ei suok a, hringnaah ei lût tah ti ei hriet. Tûkhawm hma- ngaina nei naw taphawt chu thinaah a la um zing a nih.

1 JOHAN 3:19

Chutaka chun thutaka inthawk ei nih ti inhrieng ei ta, ama mithmu ngeiah ei lungril chu thlêm tlai bawk ei tih,

1 JOHAN 3:6

Tûkhawm amaa um zing chun thil a suksuol nawh; tûkhawm thil suksuol chun ama chu a hmu nawh a, hriet khawm a hriet bawk nawh.

1 JOHAN 4:13

Amaah ei um zing le ama chu einiah a um zing ti hitaka hin ei hriet, a thlarau a mi pêk ta lei hin.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni sih a; mi tin, hmangaina nei taphawt chu Pathien inei an ni tah a, Pathien an hriet bawk a.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 JOHAN 5:2

Hitaka hin Pathien nauhai ei hmangai ti ei hriet, Pathien ei hmangai a, a thupêkhai ei zâwm hin.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si nawh a.

THUPUONGSUO 12:17

Chuongchun, drakon chu nu- hmei chunga chun a hung lunginsen a, a thla la um Pathien thupêkhai zâwm a, Isu inhriettirna thu pawm- hai chu do dingin a fe tah a.

THUPUONGSUO 14:12

Hitaka hin mi inthieng Pathien thupêkhai le Isu ringna thu zâwm- tuhai selna inlang theina a um.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.