1 JOHAN 2:15 - Pathien Lekhabu Inthieng (BSI)

¹⁵ Khawvêl hi hmangai naw unla, khawvêla thil umhai khawm hi hmangai bawk naw ro. Mi tûkhawm- in khawvêl a hmangai chun, Pa a hmangaina amaah a um nawh.

1 JOHAN 2:15 ပူးပေါင်းရင်းမြစ်များ

MATTHAI 4:8

Chun, diebol chun tlâng insâng- takah a ṭhuoi nâwk a, khawvêl ram po po le a ropuina chu ân entir a.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 16:13

Siehlaw tukhawmin hotu pahni rawng a bâwl kawp thei nawh; pakhat chu theidain pakhat chu dit a tih, annawleh, pakhat ṭanin pakhat hmusit a tih. Pathien le sum rawng in bâwl kawp thei nawh,” a ta.

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si nawh a, khawvêla inthawka ka thlang suok lem cheu leiin, khawvêlin a theida cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

1 TIMOTHE 6:10

Tangka sum ngainat hi suol tinrêng bul a ni sih a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 JOHAN 3:17

Nisienlakhawm, tûkhawm, khawvêl sum neiin, a unau tlasamin hmu sienla, ama chu lainat si naw sienla, Pathien hmangaina chu ama- ah iengtin am um a ti leh?

1 JOHAN 4:5

Anni chu khawvêla mi an na, chuleiin khawvêla mi angin an ṭawng a, khawvêlin an thu an ngai hlak a nih.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.