तीतुस 3:2 - Halbi

² काकीई दोष नी लगाआ, झगड़ा बिता नी होओ; मान्तर कोमल स्वभाव चो होओ, आउर सपाय मानेमन चो संगे बड़े सोज चो संगे रओ।

परमेस्वर को सच्चो वचन ख जाननू

² कोई ख बदनाम करन वाला नी होय, झगड़ा करन वालो नी होय; पर सज्जन सुभाव को होय, अर सब अदमी हुन को संग बडो प्रेम पुरक रहन वालो होनो चाहिये।

तीतुस 3:2 ပူးပေါင်းရင်းမြစ်များ

मत्ती 11:29

मोचो जुआंड़ी आपलो उपरे उठाआ; आउर मोचो ले सिका; कसनबल्लोने मय सोज आउर मन ने दिन आंय: आउर तुमी आपलो मन ने आराम पाहासे।

प्रेरितो 23:5

पौलुस बल्लो, “हे भाईमन, मय नी जानते रयें कि ये माहायाजक आय; कसनबल्लोने लिकलोर आसे, ‘आपलो लोगमन चो परधान के खराप नी बोल’।”

1 कुरिन्थियो 6:10

ना चोर, ना लोभीई, ना मतवार, ना झगड़ा करतो बिता, ना नशातो बितामन माहापुरू चो राज चो बेटा होदे।

1 कुरिन्थियो 9:19

कसनबल्लोने सपाय ले छुटछाड़ा होतोर ले बले मय आपन खुद के सपाय चो दास बनान दिले से कि खुबे लोगमन के झिकुन आने।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 12:20

कसनबल्लोने मोके डर आसे, काहांय असन नी होओ कि मय ऐऊन भाती जसन चाहें से, हुसन तुमके नी पायें; आउर मोके बले जसन तुमी नी चाहस हुसनी ची पाहा; आउर तुमीमन ने झगड़ा, डाह, रीस, बिरूद, इरका, खुद, घमण्ड आउर झनझट होओ;

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 6:1

हे भाईमन, अगर कोनी माने कोनी अपराध ने धरा बले जाये दे तेबे तुमी जोन आत्मिक आसास, सोज चो संगे असन के सम्भाला, आउर आपलो बले चलाकी संगाआ कि तुमी बले परीक्षा ने नी पड़ा।

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

इफिसीयो 4:31

सपाय परकार चो पीता, आउर परकोप आउर रीस, आउर कोलार, आउर निन्दा, सपाय बयर भाव संगे तुमचो ले दूर कराय जाओ।

फिलिप्पियो 4:5

तुमचो कोमलता सपाय मानेमन उपरे परकट होओ। परबु लगे आसे।

1 थिस्सलुनीकियो 2:7

मान्तर जसन ढंग ले आया आपलो लेकामन चो पालन पोषन करू आय, असने ची आमी बले तुमचो मंजी ने रऊन भाती कोमलता दकालु से;

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

याकूब 4:11

हे भाईमन, गोटक दुसर चो बदनामी नी करा। जोन आपलो भाई चो बदनामी करू आय नाहले भाई उपरे दोष लगाऊ आय; हुन नियम चो बदनामी करू आय आउर नियम थाने दोष लगाऊ आय; आउर अगर तुय नियम थाने दोष लगाऊ आस, तो तुय नियम थाने चलतो बिता नुआस मान्तर हुन थाने हाकिम ठेबलीस।

1 पतरस 2:1

ऐईकाजे सपाय परकार चो बईरभाव आउर छंद आउर कपट आउर कुचर आउर निन्दा के दूर करून,

1 पतरस 3:10

कसनबल्लोने “जोन कोनी जीवना चो इच्छा संगाऊ आय, आउर अच्छा दिन दकुक चाहाऊं आय, हुन आपलो जीव के खराप ले आउर आपलो होटमन के छंद चो गोठमन करतो ले ठेबाऊन रओ।

1 पतरस 3:8

आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

1 पतरस 4:4

ऐचो ले हुनमन अकचकित करू आत कि तुमी असन भारी ढीलाढाला ने हुनमन चो सात नी दिआस, आउर ऐईकाजे हुनमन अच्छा खराप बोलु आत;

2 पतरस 2:10

खास करून हुनमन के जोन अशुद्ध मनमानीमन चो पाट-पाट देंह चो अनुसार चलु आत आउर परभुता के तुच्छ जानु आत। हुनमन नीलज, आउर कुअढ़ आत, आउर बड़े पन बितामन के अच्छा खराप बोलतो ले नी डरोत,

यहूदा 1:10

मान्तर ऐ लोग जोन गोठमन के नी जानोत हुनमन के अच्छा खराप बोलु आत, आउर जोन गोठमन के अचेत पशुमन चो असन आदत ची ले जानु आत, हुनमन ने आपन खुद के नष्ट करू आत।

यहूदा 1:8

असने रीति ले ऐ सपना दकु बले आपलो-आपलो देंह के अशुद्ध करते, आउर परभुता के तुच्छ जानु आत, आउर बड़े पन बितामन के अच्छा-खराप बोलु आत।