तीतुस 3:14 - Halbi

¹⁴ आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

परमेस्वर को सच्चो वचन ख जाननू

¹⁴ हमारा अदमी भी जरूरत का पुरो करन को लाने अच्छा काम हुन म लगीया रहनु सिखे ताकि बेकार नी रहन का।

तीतुस 3:14 ပူးပေါင်းရင်းမြစ်များ

मत्ती 21:19

सड़क चो रेटे अंजीर चो गोटक रूक दकुन भाती हुन हुनचो लगे गेलो, आउर पानमन के छांडुन हुन थाने आउर काई नी पाऊन हुनचो ले बल्लो, “आजी ले तुचो थाने फेर केबीई फर नी धरो।” आउर अंजीर चो रूक तुरते सुकली।

मत्ती 7:19

जोन-जोन रूक अच्छा फर नी फरे, हुन काटा आउर आईग ने जराया जाऊ आत।

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 15:8

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

प्रेरितो 18:3

हुनचो आउर हुनमन चो गोटक ची धंधा रली; ऐईकाजे हुन हुनमन चो संगे रलो आउर हुनमन काम करूक मुरयाला; आउर हुनमन चो धंधा तम्बू बनातोर रली।

प्रेरितो 20:35

मय तुमके सपाय काई करून दकाले कि ऐई ढंग ले मसागत करते-करते कमजोरमन के समालतोर आउर परबु ईशु चो बचन सुरता संगातोर जरूरी आय, जोन हुन खुद ची बल्लो से: धरतोर ले देतोर धन्य आय।

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

रोमियो 15:28

ऐईकाजे मय ऐ काम पुरा करून आउर हुनमन के ऐ चन्दा सोपुन भाती तुमचो लगे होते-होते स्पेन ने जायें दें।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 4:16

ऐई परकार जिदलदाय मय थिस्सलुनीके ने रले, तेबे बले तुमी मचो घाटा पुरा करतो काजे गोटक हार काय मान्तर दुयहार काई पटाऊ रलीस।

फिलिप्पियो 4:17

ऐ नाई कि मय दान चाहायें से मान्तर मय असन फल चाहाऊं आंय जोन तुमचो फायदा चो काजे बड़ते जाओ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

2 थिस्सलुनीकियो 3:8

आउर काचीई रोटी फोकाहा ने नी खादलु; मान्तर मसागत आउर कष्ट ले राती दिना काम धन्धा करते रलु कि तुमचो ने काचीई उपरे बोजा नी होओ।

तीतुस 2:8

आउर असन चंट रओ कि कोनी हुनके खराप नी बोलुक सकोत, जेचो ले बिरूदी आमचो उपरे कोनी दोष लगातोर मवका नी पाऊन भाती लाजे होओत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

2 पतरस 1:8

कसनबल्लोने अगर ऐ गोठमन तुमनमन ने ऐबे रओ आउर बड़ते जाओ, तेबे तुमके आमचो परबु ईशु मसीह चो पयचान ने बेकार आउर नीसफल नी होऊक देये दे।