तीतुस 3:1 - Halbi

¹ लोगमन के सुद्धि दिआव कि बड़े अधिकारीमन आउर अधिकारीमन चो लगे रवत, आउर हुनमन चो हुकुम मानोत, आउर हरकोनी अच्छा काम चो काजे तिआर रवत,

परमेस्वर को सच्चो वचन ख जाननू

¹ अदमी हुन ख अकल दे कि हाकिम हुन अर अधिकारी हुन को बस म रैय, अर उनको कहेना माने, अर हर एक भली बात को लाने तैयार रैय,

तीतुस 3:1 ပူးပေါင်းရင်းမြစ်များ

मत्ती 22:21

हुनमन हुनचो ले बल्ला, “राजा चो।” तेबे हुन हुनमन ले बल्लो, “जोन राजा चो आय, हुन राजा के; आउर जोन माहापुरू चो आय, हुन माहापुरू के दिआस।”

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

1तीमुथियुस 2:2

राजामन आउर सपाय ऊँचा पन बितामन चो लागुन ऐईकाजे कि आमी आराम आउर असतीर चो संगे सपाय भक्ति आउर गमभीरता ले जीवना बिताऊ।

1तीमुथियुस 4:6

अगर तुय भाईमन के ऐ गोठमन चो सुद्धि दिआते रसे, तो मसीह ईशु चो अच्छा सेवक ठेब से; आउर बिश्वास आउर हुन अच्छा उपदेश चो गोठमन ले, जोन तुय मानते ईली सीस, तुचो पालन पोषन होते रयदे।

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

2 तीमुथियुस 1:6

ऐई लागुन मय तुके सुद्धि दिलायें से कि तुय माहापुरू चो हुन बर के जोन मोचो हाथ संगालोर चो कारन तुके मिरली से फेर ले बरते रओ।

2 तीमुथियुस 2:14

ऐ गोठमन चो सुद्धि हुनमन के दियाव आउर परबु चो पुरे जनाऊन देस कि शब्दमन थाने हेर-फेर नी करोत, जेचो ले काई लाब नी होये मान्तर सुनतो बितामन नसुन जाऊ आत।

2 तीमुथियुस 2:21

अगर कोनी आपन खुद के ऐ मन ले शुद्ध करे दे, तेबे हुन ईजीत चो बरतन आउर पवितर ठेबे दे; आउर मालिक चो काम ऐये दे आउर हर बड़ीया काम चो काजे तिआर होयेदे।

तीतुस 1:16

हुनमन बोलु आत कि आमी माहापुरू के जानु, मान्तर आपलो काममन ले हुनचो इन्कार करू आत; कसनबल्लोने हुनमन घिन घिना आउर हुकुम नी मानु बिता आत, आउर कोनी अच्छा काम चो लायक नुआत।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

2 पतरस 1:12

ऐईकाजे अगर तुमी ऐ गोठमन जानास, आउर जोन सत बचन तुमके मिरली से हुन थाने बनुन राआ, तेबले बले मय तुमके ऐ गोठमन चो सुरता दियातोर हरमेशा तिआर रयें दे।

यहूदा 1:5

मान्तर अगर तुमी सपाय गोठ गोटक हार जानलासास, तेबे बले मय तुमके ऐ गोठ चो सुरता दियातोर चाहाय से कि परबु गोटक कुल मिस्र देश ले बचालोर पाचे बिश्वास नी आनतो बितामन के नष्ट करून दिलो।