तीतुस 2:2 - Halbi

² बल्ले डोकरा माने हुसीयार आउर गंभीर आउर सहन करू होओ, आउर हुनमन चो बिश्वास आउर मया आउर धीरज पक्का होओ।

परमेस्वर को सच्चो वचन ख जाननू

² एकोमतलब बुढ्ढा अदमी हुसयार अर सोचन वालो अऊर धीरज धरन वालो होय, अर उनको भरोसा अऊर प्रेम अर धीरज पक्को होय।

तीतुस 2:2 ပူးပေါင်းရင်းမြစ်များ

मरकुस 5:15

ईशु चो लगे ऐऊन भाती हुनमन हुनके जेचो ने दुष्टआत्मामन रली, बल्लोने जेचो ने सेना भिडू रये, फटीई पिन्दलोर आउर चेत ने बसलोर दकुन भाती डरला।

लूका 8:35

लोग ऐ जोन होऊ रली हुनके दकुक लाय निकरला, आउर ईशु चो लगे ऐऊन भाती जोन माने ले दुष्टआत्मामन निकरू रली, हुनके ईशु चो पाँयमन चो लगे फटीई पिन्दलोर आउर चेत ने बसलोर दकुन भाती डरला;

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

रोमियो 12:3

कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

2 कुरिन्थियो 5:13

अगर आमी बेसुद आसु तो माहापुरू चो काजे, आउर अगर चेत आसु तो तुमचो काजे आय।

गलातियो 5:23

सोज, आउर सहन आय, असन-असन काममन चो बिरूद ने काई बले नियम निआय।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

1 थिस्सलुनीकियो 5:6

ऐईकाजे आमी दुसरमन चो असन सोहते नी रऊँ, मान्तर चेता आउर खबड़दार रऊँ।

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

1तीमुथियुस 1:10

बेबीचारीमन, माने गामीमन, मानेमन के बिकतो बितामन, झुठ बोलतो बितामन, आउर झूठा किरिया खातो बितामन, आउर ऐ मन के छांडुन खर उपदेश चो सपाय बिरूदीमन चो काजे ठेबाए गेलीसे।

1तीमुथियुस 1:14

आउर आमचो परबु चो अनुग्रह हुन बिश्वास आउर मया चो संगे जोन मसीह ईशु ने आसे, खुबे ले खुबे होली।

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1तीमुथियुस 3:11

असने परकार ले बायले लेकीमन के बले गंभीर होतोर जरूरी आय; दोष लगातो बिती नी होओ, मान्तर खबड़दार आउर सपाय गोठमन ने बिश्वास लायक होओ।

1तीमुथियुस 3:2

ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

1तीमुथियुस 3:4

आपलो घर चो अच्छा जुगाड़ करू होओ, आउर आपलो पिला-झिला के पुईतराय गमभीरता ले आधीन संगातो बिता होओ।

1तीमुथियुस 3:8

असने ची सेवकमन के बले गंभीर होतोर जरूरी आय, दुयरंगी, मतवार आउर नीच कमाई चो लोभीई नी होओ;

1तीमुथियुस 5:1

कोनी डोकरा के नी खीज, मान्तर हुनके बुआ जानुन भाती समजाऊन देस, आउर जुआनमन के भाई जानुन भाती,

तीतुस 1:13

ऐ गोहई सत आय, ऐईकाजे हुनमन के कड़ाई ले जनाऊन देस कि हुनमन बिश्वास ने पक्का होऊन जाओत,

तीतुस 1:8

मान्तर सगामान करू बिता, भलाई के चाहतो बिता, सहन करू, नियायी, पवितर आउर शांत होओ;

तीतुस 2:7

सपाय गोठमन ने आपन खुद के अच्छा काममन चो नमूना बनाव। तुचो उपदेश ने सफाई, गमभीरता,

फिलेमोन 1:9

तेबे बले मय डोकरा पौलुस के जोन अदायं मसीह ईशु चो काजे कयदी आंय, ऐ आउर बले अच्छा जान पढ़ली कि मया ले बिनती करें।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,