रोमियो 9:5 - Halbi

⁵ पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

परमेस्वर को सच्चो वचन ख जाननू

⁵ सियना हुन भी उन को हैं, अर मसी भी सरीर को भाव से उन म से भयो। जे सब का ऊपर परम परमेस्वर हमेसा धन्य हैं। आमीन।

रोमियो 9:5 ပူးပေါင်းရင်းမြစ်များ

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

लूका 20:44

दाऊद तो हुनके परबु बोलु आय; तेबे फेर हुन हुनचो बेटा कसन ठेबलो?”

यूहन्ना 10:30

मय आउर बुआ गोटक आंव।”

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

रोमियो 1:25

कसनबल्लोने हुनमन माहापुरू चो सत के बदलुन भाती झूठ बनाला, आउर ब्रमांड चो उपास आउर सेवा करला, ना कि हुन बनातो बिता चो जोन हरमेशा धन्य आय! आमीन।

रोमियो 1:3

आपलो बेटा आमचो परबु ईशु मसीह चो बारे ने बायदा करलो; हुन देंह चो बाटले तो दाऊद चो पुरखा ले जनमलो

रोमियो 10:12

यहूदीमन आउर यूनानीमन ने काई भेद नियाय, ऐईकाजे कि हुन सपाय चो परबु आय आउर आपलो सपाय नाव धरतो बितामन काजे उदार आय।

रोमियो 11:28

नगतखबर चो ले तो तुमचो काजे हुनमन माहापुरू चो बयरी आत, मान्तर चुनुन जातोर ले हुनमन बुआ-दादीमन चो लागुन लाड़रा आत।

1 कुरिन्थियो 14:16

नाहले अगर तुय आत्मा ची ले धन्यबाद कर से, तेबे फेर अगिआनी तुचो धन्यबाद थाने आमीन कसन बले दे? कसनबल्लोने हुन तो नी जाने कि तुय काय बोल सीस?

2 कुरिन्थियो 11:31

परबु ईशु चो माहापुरू आउर बुआ जोन हरमेशा धन्य आय, जाने से कि मय झूठ नी बलें।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

1तीमुथियुस 6:15

जेके हुन ठीक समया थाने दकाय दे, जोन परमधन्य आउर गोटक मात्र अधिपति आउर राजामन चो राजा आउर परबुमन चो परबु आय,

2 तीमुथियुस 2:8

ईशु मसीह के सुरता करू रा, जोन दाऊद चो पुरखा ले होलो आउर मरलो बितामन थानले जीव उठलो, आउर ऐ मोचो नगतखबर चो अनुसार आय।

इब्रानियो 7:24

मान्तर ऐ जुग-जुग रऊ आय, ऐई कारन हुनचो याजक पन अटल आसे।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।