रोमियो 8:39 - Halbi

³⁹ ना गड़ीयां आउर ना कोनी आउर रचना, आमके माहापुरू चो मया ले, जोन आमचो परबु मसीह ईशु ने आसे, अलग करूक सके दे।

परमेस्वर को सच्चो वचन ख जाननू

³⁹ नी गहराई अर नी कोई अर धरती हम ख परमेस्वर को प्रेम से जे हमारो प्रभु मसी यीसु म हैं दूर कर सके।

रोमियो 8:39 ပူးပေါင်းရင်းမြစ်များ

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

यूहन्ना 16:27

कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

यूहन्ना 17:26

मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

रोमियो 11:33

आहा! माहापुरू चो धन आउर अकल आउर गिआन काय ची गंभीर आय! हुनचो बिचार कसन अथाह, आउर हुनचो बाट कसन बड़े भारी आय!

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

रोमियो 8:35

कोन आमके मसीह चो मया ले अलग करेदे? काय कलेश, काय संकट नाहले उपद्रव, नाहले अकाल नाहले नंगाई, नाहले खतरा नाहले तलवार?

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

2 कुरिन्थियो 2:11

कि शयतान चो आमचो उपरे दाँव नी चलो, कसनबल्लोने आमी हुनचो चालमन ले अनजान निआव।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

फिलिप्पियो 3:12

ऐ मतलब नुआय कि मय मिराऊन चुकले से, नाहले सिद्ध होऊन चुकले से; मान्तर हुन तीज के धरतो काजे पराते जाऊँ आंय, जेचो काजे मसीह ईशु मोके धरू रलो।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।

1यूहन्ना 4:19

आमी ऐईकाजे मया करू आंव, कि पयले हुन आमचो ले मया करलो।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 2:24

“मान्तर तुमी थुआथीरा चो बाकी लोगमन ले, जितरो ऐ सिक्या के नी मानोत आउर हुन गोठमन के जोनमन के शयतान चो भेद गोठमन बोलु आत नी जानोत, ऐ बलेंसें कि मय तुमचो उपरे आउर बोज नी डालेंदे।”

प्रकाशितवाक्य 20:3

आउर हुनके अन्दकुप खोदरा ने डालुन भाती बन्द करलो आउर हुनचो उपरे मोहर लगाऊन दिलो कि हुन हजार बरक चो पुरा होओत ले जाति-जाति चो लोगमन के फेर नी भरमाओ। ऐचो पाचे जरूरी आय कि हुन थोड़े देर काजे फेर खोला जाओ।

प्रकाशितवाक्य 20:7

जिदलदाय हजार बरक पुरा होऊन जाय दे तेबे शयतान कयद ले छांडुन दिया जाय दे।