रोमियो 8:35 - Halbi

³⁵ कोन आमके मसीह चो मया ले अलग करेदे? काय कलेश, काय संकट नाहले उपद्रव, नाहले अकाल नाहले नंगाई, नाहले खतरा नाहले तलवार?

परमेस्वर को सच्चो वचन ख जाननू

³⁵ कोन हम ख मसी को प्रेम से अलग करे? का दुख, का सकंट, का उपद्रव, का अकाल, का नांगई का जोखिम, का तलवार?

रोमियो 8:35 ပူးပေါင်းရင်းမြစ်များ

यूहन्ना 10:28

आउर मय हुनमन के अमर जीवना देऊ आंय। हुन केबे नष्ट नी होये, आउर कोनी हुनमन के मोचो हाथ ले झिकुन नी धर दे।

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

रोमियो 2:9

आउर कलेश आउर संकट सपाय माने चो जीव उपरे जोन खराप करू आय ऐयेदे, पयले यहूदी उपरे फेर यूनानी उपरे;

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

रोमियो 8:37

मान्तर ऐ सपाय गोठमन ने आमी हुनचो बाटले जोन आमचो ले मया करलो से, जितरो बिता ले बले बडुन भाती आंव।

रोमियो 8:39

ना गड़ीयां आउर ना कोनी आउर रचना, आमके माहापुरू चो मया ले, जोन आमचो परबु मसीह ईशु ने आसे, अलग करूक सके दे।

1 कुरिन्थियो 4:11

आमी ऐ घड़ी ले भुके पिआस आउर बिन फटीई आंसु, आउर ठुसामन खाऊँ से आउर गलिन-गलिन फिरू से;

1 कुरिन्थियो 4:12

आउर आपली ची हाथमन ले काम करून मसागत करू आंव। लोग आमके खराप बोलु आत, आमी आशीष देऊ आंव; हुनमन कन्दराऊ आत, आमी सहु आंव।

2 कुरिन्थियो 12:10

ऐई कारन मय मसीह चो काजे कमजोरीमन ने, आउर निन्दामन ने, आउर दरिदरता ने, आउर उपद्रव ने, आउर संकटमन ने हरिक आंसे; कसनबल्लोने जिदलदाय मय कमजोर होऊँ आंय तेबे बलवन्त होऊ आंय।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

2 कुरिन्थियो 4:8

आमी चारो बाटले कलेश तो भोगु आंव, मान्तर संकट ने नी पडु; निरूपाय तो आंव, मान्तर मुरमुरा नी होऊं;

2 कुरिन्थियो 4:9

कन्दराया तो जाऊ आंव, मान्तर तियागा नी जाऊं; घसराया तो जाऊ आंव, मान्तर नष्ट नी होऊं।

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,