रोमियो 8:34 - Halbi

³⁴ फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

परमेस्वर को सच्चो वचन ख जाननू

³⁴ फिर कऊन हैं जो हम ख सजा को आग्या देहे? यीसु मसी ही हैं। जो मर गयो अर मुर्दो म से जिन्दो भी भयो हैं, अर परमेस्वर को दाहिनी ओर हैं, अर हमारा लाने निवदेन करह हैं।

रोमियो 8:34 ပူးပေါင်းရင်းမြစ်များ

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

प्रेरितो 2:24

मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

रोमियो 14:13

आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

रोमियो 14:9

कसनबल्लोने मसीह ऐईकाजे मरलो आउर जीव बल्ले उठलो कि हुन मरलो बितामन चो आउर जीव रलो बितामन चो दुनो चो परबु होओ।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

रोमियो 8:27

आउर मनमन चो जाचतो बिता जाने कि आत्मा चो मनसा काय आय? कसनबल्लोने हुन पवितर लोगमन चो काजे माहापुरू चो इच्छा चो अनुसार बिनती करू आय।

कुलुस्सियो 3:1

मान्तर जिदलदाय तुमी मसीह चो संगे जिआय गेलास, तेबे सरग चो तीजमन चो खोज ने राहा, जाहां मसीह हाजिर आसे आउर माहापुरू चो उजा पाट बसलो से।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

इब्रानियो 9:24

कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।