रोमियो 8:32 - Halbi

³² जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

परमेस्वर को सच्चो वचन ख जाननू

³² परमेस्वर न अपनो निजी पोरिया ख भी नी छोड़ ओ न हम सब ख लाने ओ ख समपित कर दियो ते इत्तो देन को बाद का उ मुक्ति म नी देहे?

रोमियो 8:32 ပူးပေါင်းရင်းမြစ်များ

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 7:11

आउर जिदलदाय तुमी खराप होऊन भाती, आपलो पिलामन के अच्छा तीजमन देऊक जानास, तेबे तुमचो सरग चो बुआ आपलो मांगतो बितामन के अच्छा तीजमन केंव नी देये?

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

रोमियो 11:21

कसनबल्लोने जिदलदाय माहापुरू स्वभाविक खेंदामन के नी छांडलो तो तुके बले नी छांडेदे।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

1 कुरिन्थियो 2:12

मान्तर आमीमन ने संवसार चो आत्मा नाई, मान्तर हुन आत्मा पावलु से जोन माहापुरू चो बाटले आय कि आमी हुन गोठमन के जानु जोन माहापुरू आमके दिलो से।

2 कुरिन्थियो 4:15

कसनबल्लोने सपाय तीजमन तुमचो काजे आय, बल्ले अनुग्रह खुबेमन चो दुवारा खुबे होऊन भाती माहापुरू चो महिमा चो काजे धन्यबाद बले बड़ाओ।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

2 कुरिन्थियो 6:10

दुक करतो बितामन चो असन आत, मान्तर हरमेशा हरिक करू आत; कंगालमन चो असन आत, मान्तर खुबेमन के सवकार बनान देऊ आत; असन आत जसन आमचो लगे काई निआय तेबले बले सपाय काई संगाऊ आत।

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।

प्रकाशितवाक्य 21:7

“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”