रोमियो 8:29 - Halbi

²⁹ कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

परमेस्वर को सच्चो वचन ख जाननू

²⁹ काहेकि जीन न परमेस्वर ख पहले ही से चुनो कि हैं उन ख पहले ही से अपनो पोरिया को जसो ठहरायो भी हैं कि ओको पोरिया सरूप म होय।

रोमियो 8:29 ပူးပေါင်းရင်းမြစ်များ

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 28:10

तेबे ईशु हुनमन ले बल्लो, “नी डरा; मोचो भाईमन ले जाऊन भाती बल्ला कि गलील ने जाते जाओत, हुता मोके दक दे।”

मत्ती 7:23

तेबे मय हुनमन ले खुलम खुला बोलुन देयेंदे, ‘मय तुमके केबीई नी जानले। हे कुकरम करतो बितामन, मोचो लगले जाहा।’”

यूहन्ना 17:16

जसन मय संवसार चो नुआय, असने ची हुनमन बले संवसार चो नुआत।

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

यूहन्ना 17:26

मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

रोमियो 11:2

माहापुरू आपलो हुन परजा के नी छांडलो, जोन के हुन पयले ची ले जानलो। काय तुमी नी जानास कि पवितर शास्त्र एलिया चो बारे ने काय बले से, कि हुन इस्राएल चो बिरूद ने माहापुरू ले बिनती करू आय?

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

1 कुरिन्थियो 15:49

आउर जसन आमी हुनचो रूप धारन करलु जोन माटी चो रलो असने ची हुन सरग चो रूप बले धारन करूं दे।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

1 कुरिन्थियो 8:3

मान्तर अगर कोनी माहापुरू ले मया संगाऊ आय, तेबे माहापुरू हुनके चिताऊ आय।

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 4:24

आउर नवा माने के पिन्दा जोन माहापुरू चो अनुसार सत चो धारमिक आउर पवितरता ने बनाया गेली से।

फिलिप्पियो 3:21

हुनमन आपलो ताकत चो हुन असर चो अनुसार जेचो बाटले हुन सपाय तीजमन के आपलो बस ने करूक सके, आमचो दिन-हीन देंह चो रूप बदलुन भाती, आपलो महिमा चो देंह चो समान बनान देयेंदे।

कुलुस्सियो 3:10

आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।