रोमियो 8:19 - Halbi

¹⁹ कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

परमेस्वर को सच्चो वचन ख जाननू

¹⁹ काहेकि धरती बड़ी आसा भरी आँख से परमेस्वर को पोरिया हुन ख प्रगट होन का रस्ता देख रही हैं।

रोमियो 8:19 ပူးပေါင်းရင်းမြစ်များ

मत्ती 5:9

“धन्य आत हुनमन, जोन मेल करातो बिता आत, कसनबल्लोने हुनमन माहापुरू चो बेटा बलाया जादे।”

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

प्रेरितो 3:21

जरूरी आय कि हुन सरग ने हुन समया ले रओ जिदलदाय ले कि हुन सपाय गोठमन चो सुधार नी करो जेचो चरचा पीढ़ीमन चो दिन ले माहापुरू आपलो पवितर अगम गिआनीमन चो मुंह ले करलो से।

रोमियो 8:14

ऐईकाजे कि जितरो लोग माहापुरू चो आत्मा चो चलाये चलु आत, हुनीमन ची माहापुरू चो बेटा आत।

रोमियो 8:16

आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

रोमियो 8:23

आउर मात्र हुनी ची नाई मान्तर आमी बले जेचो लगे आत्मा चो पयला फल आसे, खुद ची आपलो ने कहरे सोत; आउर हकदार होतोर बल्लोने आपलो देंह चो छुटकारा चो बाट दक से।

रोमियो 9:26

आउर असन होयेदे कि जोन जगा ने हुनमन ले ऐ बलाय जाऊ रली कि तुमी मोचो परजा नुआस, हुनी जगा हुनमन जीवता माहापुरू चो पिला बलाय होदे।”

1 कुरिन्थियो 1:7

ऐथा ले कि कोनी बर ने तुमके घाटा निआय, आउर तुमी आमचो परबु ईशु मसीह चो परकट होतोर बाट टाकते रऊ आहास।

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

2 कुरिन्थियो 6:18

आउर मय तुमचो बुआ होयेंदें, आउर तुमी मोचो बेटा आउर बेटीमन हुआ से। “ऐ सर्वशक्तिमान परबु माहापुरू चो बचन आय।”

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

इब्रानियो 12:27

आउर ऐ पद “गोटक हार फेर” ऐ गोठ के परकट करू आय कि जोन तीजमन हलाया जाऊ आय, हुनमन बनालो बिती तीजमन होतोर लागुन गुचुन जाये दे; बल्ले जोन तीजमन हलाया नी जाये, हुनमन अटल बनुन रओ।

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

प्रकाशितवाक्य 21:7

“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”