Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




रोमियो 8:16 - Halbi

16 आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

အခန်းကိုကြည့်ပါ။ ကော်ပီ

परमेस्वर को सच्चो वचन ख जाननू

16 आत्मा खुद ही हमारो आत्मा ख संग गवाही देव हैं, कि हम परमेस्वर कि पोरिया हैं;

အခန်းကိုကြည့်ပါ။ ကော်ပီ




रोमियो 8:16
27 ပူးပေါင်းရင်းမြစ်များ  

“धन्य आत हुनमन, जोन मेल करातो बिता आत, कसनबल्लोने हुनमन माहापुरू चो बेटा बलाया जादे।”


हुनमन फेर मरू बले नुआत; कसनबल्लोने हुनमन सरग दूतमन चो असन हो दे, आउर नवा जनम चो बेटा होलो ले माहापुरू चो बले बेटा हो दे।


मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।


“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”


ऐईकाजे कि जितरो लोग माहापुरू चो आत्मा चो चलाये चलु आत, हुनीमन ची माहापुरू चो बेटा आत।


कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।


आउर मात्र हुनी ची नाई मान्तर आमी बले जेचो लगे आत्मा चो पयला फल आसे, खुद ची आपलो ने कहरे सोत; आउर हकदार होतोर बल्लोने आपलो देंह चो छुटकारा चो बाट दक से।


असने रीति ले आत्मा बले आमचो कमजोरी ने सायता करू आय, कसनबल्लोने आमी नी जानु, कि पारथना कसन रीति ले करतोर आय; मान्तर आत्मा खुद ची असन हुमारून-हुमारून भाती जोन सांगतोर ले बाहरे आसे, आमचो काजे गुहार करू आय।


आउर असन होयेदे कि जोन जगा ने हुनमन ले ऐ बलाय जाऊ रली कि तुमी मोचो परजा नुआस, हुनी जगा हुनमन जीवता माहापुरू चो पिला बलाय होदे।”


बल्लोने देंह चो पिला माहापुरू चो पिला नुआत, मान्तर बायदा चो पिला बंश गेनाय जाऊ आत।


कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।


जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।


जोन आमके ऐई गोठ चो काजे तिआर करलो से हुन माहापुरू आय, जोन आमके बयाना ने आत्मा बले दिलोसे।


आउर मय तुमचो बुआ होयेंदें, आउर तुमी मोचो बेटा आउर बेटीमन हुआ से। “ऐ सर्वशक्तिमान परबु माहापुरू चो बचन आय।”


कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।


आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।


आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।


माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।


दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।


ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।


हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।


ऐचीई ले आमी जानु से कि आमी हुनचो ने बनुन रऊ आंव, आउर हुन आमचो ने; कसनबल्लोने हुन आपलो आत्मा थानले आमके दिलो से।


जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।


“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ