रोमियो 8:13 - Halbi

¹³ कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

परमेस्वर को सच्चो वचन ख जाननू

¹³ काहेकि अगर तुम सरीर ख समान दिन काटे ते मरे, अदि आत्मा से सरीर कि क्रिया हुन ख मारे ते जिन्दो रहे।

रोमियो 8:13 ပူးပေါင်းရင်းမြစ်များ

रोमियो 6:21

आउर जोन गोठमन ले अदायं तुमी लाजे होऊ आहास, हुनमन ले हुन समया तुमी काय फल पावते राआस? कसनबल्लोने हुनमन चो आखरी तो मरना आय।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:12

ऐईकाजे हे भाईमन, आमी देंह चो करजदार नुवांव कि देंह चो अनुसार दिन बिताऊ,

1 कुरिन्थियो 9:27

मान्तर मय आपलो देंह के मारते कुटते आउर वश ने आनु आंय, असन नी होओ कि दुसरमन के परचार करून मय खुद ची कोनी रीति ले ठग ठेबे।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

गलातियो 6:8

कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।