रोमियो 7:15 - Halbi

¹⁵ जोन मय करू आंय हुनके नी जाने; कसनबल्लोने जोन मय चाहाऊं आंय हुन नी करे, मान्तर जेचो ले मोके घिन ऐऊ आय हुनी करू आंय।

परमेस्वर को सच्चो वचन ख जाननू

¹⁵ जो म करूँ हैं ओ ख नी जाना: काहेकि जो म चाहूँ हैं नी कियो करूँ पर जेसे मोखा गुस्सा आय हैं उ करूँ हैं।

रोमियो 7:15 ပူးပေါင်းရင်းမြစ်များ

लूका 11:48

आउर तुमी गोहई आस, आउर आपलो बुआ-दादीमन चो काममन ले सला आसास; कसनबल्लोने हुनमन तो हुनमन के मारला आउर तुमी हुनमन चो मोटमन बनाऊ आस।

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

रोमियो 12:9

मया निष्कपट होओ; खराप ले दूर राहा; भलाई ने लगु राआ।

रोमियो 14:22

तुचो जोन बिश्वास होओ, हुनके माहापुरू चो पुरे आपलो ची मन ने संगाव। धन्य आय हुन जोन हुन गोठ ने, जेके हुन ठीक समजु आय, आपन खुद के दोषी नी ठेबा ये।

रोमियो 7:16

अगर जोन मय नी चाहायें हुनी करू आंय, तेबे मय मानु आंय कि नियम अच्छा आय।

गलातियो 5:17

कसनबल्लोने देंह आत्मा चो बिरूद ने आउर आत्मा देंह चो बिरूद ने लालच करू आय, आउर ऐ गोटक दुसर चो बिरूदी आत, ऐईकाजे कि जोन तुमी करूक चाहायसास हुन नी करूक पाआ।

2 तीमुथियुस 2:19

तेबले बले माहापुरू चो पक्का पाया बनुन रऊ आय, आउर हुन थाने ऐ छाप लगली से: “परबु आपलो लोग के चिताऊ आय,” आउर “जोन कोनी परबु चो नाव धरू आय हुन अधरम ले बाचुन रओ।”

इब्रानियो 1:9

तुय धरम ले मया आउर अधरम ले बईर संगालीस; ऐई लागुन माहापुरू, तुचो माहापुरू, तुचो संगवारीमन ले बडुन भाती हरिक रूपी तेल ले तुचो अभिषेक करलो।”

याकूब 3:2

ऐईकाजे कि आमी सपाय खुबे हार चुकुन जाऊ आंव; जोन कोनी बचन ने नी चुके हुनी तो सिद्ध माने आय आउर पुईतराय देंह के बले आपलो अधीन ने करूक सके।

यहूदा 1:23

आउर खुबे के आईग थानले झिकुन भाती निकराहा; आउर खुबेमन उपरे भय चो संगे दया करा, मान्तर हुन कुड़ता ले बले घिन्याहा जोन देंह चो दुवारा कलंकीत होऊन गेली से।