रोमियो 7:14 - Halbi

¹⁴ आमी जानु से कि नियम तो आत्मिक आय, मान्तर मय देंह आउर पाप चो हाथे बिकी होले से।

परमेस्वर को सच्चो वचन ख जाननू

¹⁴ हम जाना हैं कि नेम ते आत्मिक हैं, पर म सारीरिक अर पाप ख हात बिक हुयो हैं।

रोमियो 7:14 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

मत्ती 18:25

जसन कि पटातो काजे हुनचो लगे काई नी रली, तेबे हुनचो मालिक बल्लो, ‘ऐ आउर ऐचो बायले आउर पिला झिलामन आउर जोन काई ऐचो आय सपाय बिका जाओ, आउर करजा चुकाया जाओ।’

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मत्ती 5:28

मान्तर मय तुमके ऐ बलेंसे, कि जोन कोनी-कोनी बायले लेकी उपरे खराप नजर डालेदे हुन आपलो मन ने हुनचो ले बेबीचार करून चुकलो।

लूका 5:8

ऐ दकुन शिमोन पतरस ईशु चो पाँय ने घसरलो आउर बल्लो, “हे परबु, मोचो लगले जा, कसनबल्लोने मय पापी मनुक आय!”

लूका 7:6

ईशु हुनमन चो संगे गेलो, मान्तर जिदलदाय हुन घर ले लापी नी रये, तेबे सुबेदार हुनचो लगे कितलो मीतमन चो बाटले सांगुक पठालो, “हे परबु, दुख नी उठाव, कसनबल्लोने मय ऐ लायक नुआय कि तुय मोचो छानी चो खाले आव।

रोमियो 3:9

तेबे फेर काय होली? काय आमी हुनमन ले अच्छा आंव? केबीई नाई; कसनबल्लोने आमी यहूदीमन आउर यूनानीमन दुनो चो थाने ऐ दोष लगाऊन चुकलु से कि हुनमन सपाय पाप चो वश ने आसोत।

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

रोमियो 7:18

कसनबल्लोने मय जाने कि मोचो ने बल्लोने मोचो देंह ने कोनी अच्छा तीज मोचो भीतरे नी करे। इच्छा तो मोचो ने आसे, मान्तर नुकु काम मोचो ले नी बने।

गलातियो 4:3

असने ची आमी बले, जिदलदाय लेका रऊ, तेबे संवसार चो मुर सिक्या चो बस ने होऊन भाती दास बनुन रलु।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।