रोमियो 6:4 - Halbi

⁴ आउर हुन मरना चो डूबन पावलो ने आमी हुनचो संगे गाड़ाय गेलु, बल्ले जसन मसीह बुआ चो महिमा चो कारन मरलो बितामन थानले जिआय गेलो, असने ची आमी बले नवा जीवन चो असन चाल चलु।

परमेस्वर को सच्चो वचन ख जाननू

⁴ अऊर हम उनकी माऊत को बपतिस्मा मान ख उनका संग एकोलाने दफनायो गयो हैं कि जिस तरीका मसी बाप को महिमा मय सक्ति से माऊत हुन म से जिन्दो उठो हैं, ऊईच तरीका हम भी एक नयो जिन्दगी जीहे।

रोमियो 6:4 ပူးပေါင်းရင်းမြစ်များ

यूहन्ना 11:40

ईशु हुनचो ले बल्लो, “काय मय तुचो ले नी बोलु रले कि अगर तुय बिश्वास कर से, तेबे माहापुरू चो महिमा के दक से।”

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

प्रेरितो 2:24

मान्तर हुनी के माहापुरू मरना चो बान्दनमन ले छंड़ाऊन भाती जिआ लो; कसनबल्लोने ऐ नी होतो लायक रली कि हुन हुनचो बस ने रतो।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

रोमियो 6:3

काय तुमी नी जानास कि आमी सपाय जोनमन मसीह ईशु चो डूबन धरलु, हुनचो मरना चो डूबन धरलु।

रोमियो 6:8

ऐईकाजे अगर आमी मसीह चो संगे मरून गेलु, तेबे आमचो बिश्वास ऐ आय कि हुनचो संगे जीऊन्दे बले।

रोमियो 6:9

कसनबल्लोने ऐ जानु से कि मसीह मरलो बितामन थानले जीव उठून भाती फेर मरू नुआय; हुनचो उपरे फेर मरना चो जय नी होये।

रोमियो 7:6

मान्तर जेचो गांट ने आमी रलु हुनचो काजे मरून भाती, अदायं नियम ले असन छुटलु, कि लिकलोर जुना रीति थाने नाई, मान्तर आत्मा चो नवा रीति थाने सेवा करूंसे।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

1 कुरिन्थियो 6:14

माहापुरू आपलो सामरत ले परबु के जिआलो, आउर आमके बले जीआये दे।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

कुलुस्सियो 3:10

आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

कुलुस्सियो 4:1

हे मालिकमन, आपलो-आपलो दासमन चो संगे नियाय आउर नुकु-नुकु बेबार करा, ऐ समजुन भाती कि सरग ने तुमचो बले गोटक मालिक आसे।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।