रोमियो 6:21 - Halbi

²¹ आउर जोन गोठमन ले अदायं तुमी लाजे होऊ आहास, हुनमन ले हुन समया तुमी काय फल पावते राआस? कसनबल्लोने हुनमन चो आखरी तो मरना आय।

परमेस्वर को सच्चो वचन ख जाननू

²¹ अब जीन बात हुन से अब तुम लज्जित होव हैं, ओ से उ बखत तुम का फल पायो हतो? काहेकि उन ख आखरी ते मरनू हैं।

रोमियो 6:21 ပူးပေါင်းရင်းမြစ်များ

रोमियो 1:32

हुनमन तो माहापुरू चो ऐ बिदी जानोत कि असन-असन काम करतो बिता मरना चो डण्ड चो लायक आत, तेबले बले ना मात्र खुद ची असन काम करू आत मान्तर करतो बितामन ले हरिक बले होऊ आत।

रोमियो 5:12

ऐईकाजे जसन गोटक माने चो कारन पाप जगत ने ईली, आउर पाप चो कारन मरना ईली, आउर ऐई रीति ले मरना सपाय मानेमन ने फयलुन गेली, कसनबल्लोने सपाय पाप करला।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

रोमियो 8:6

देंह थाने मन लगातोर तो मरना आय, मान्तर आत्मा उपरे मन लगातोर जीवन आउर शान्ति आय;

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

2 कुरिन्थियो 7:11

आउर दका, ऐई गोठ ले कि तुमके माहापुरू भक्ति चो दुक होली तुमचो ने कितलो उदुम आउर जबाप चो जबाप आउर रीस, आउर भय, आउर लालच, आउर धुन आउर डण्ड देतोर बिचार पयदा होली? तुमीमन सपाय परकार ले ऐ सिद्ध करून दकालास कि तुमी ऐ गोठ ने निर्दोष आस।

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 6:8

मान्तर अगर हुन लाटा आउर काटा बुटा अकराऊ आय, तो बेकार आउर शरापित होतो थाने आसे, आउर हुनचो आखरी जलाया जातोर आय।

याकूब 1:15

फेर मनमानी देंहबारी होऊन भाती पाप के जनमाऊ आय आउर पाप जिदलदाय बाडु आय तेबे मोरना के उपजास करू आय।

याकूब 5:20

तेबे हुन ऐ जानो कि जोन कोनी-कोनी भुलकलो पापी के फिरान आनेदे, हुन गोटक परान के मरना ले बचाएदे आउर कितली पापमन उपरे परदा डाले दे।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

प्रकाशितवाक्य 16:6

कसनबल्लोने हुनमन पवितर लोगमन आउर अगम गिआनीमन चो लऊ बोहड़ाऊन रवत, आउर तुय हुनमन के लऊ पिआलीस; कसनबल्लोने हुनमन ऐई लायक आत।”

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;