रोमियो 6:19 - Halbi

¹⁹ मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

परमेस्वर को सच्चो वचन ख जाननू

¹⁹ मी तुमरी सरीर की कमजोरी को वजेसे इंसान हुन की परंपरा को हिसाब से कहूँ हैं। जसा तुमना सरीर हुन ख बुरो काम को लाने असुध्द अर बुरो काम का दास होन को लाने सोपयो रा, वसा ही अब अपना सरीर ख सुध्द होन को लाने धर्म को दास कर ख सोप देव।

रोमियो 6:19 ပူးပေါင်းရင်းမြစ်များ

मत्ती 4:23

आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

रोमियो 15:1

आउर आमी बलबीतामन के जरूरी आय कि कमजोरमन चो कमजोरीमन के सहु, ना कि आपन खुद के हरिक करू।

रोमियो 3:5

ऐईकाजे अगर आमचो अधरम माहापुरू चो धारमिकता ठेबाऊन देऊ आय, तो आमी काय बोलवां? काय ऐ कि माहापुरू जोन रीस करू आय अनियायी आय? (ऐ तो मय माने चो रीति ले बलें सें)।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

रोमियो 8:26

असने रीति ले आत्मा बले आमचो कमजोरी ने सायता करू आय, कसनबल्लोने आमी नी जानु, कि पारथना कसन रीति ले करतोर आय; मान्तर आत्मा खुद ची असन हुमारून-हुमारून भाती जोन सांगतोर ले बाहरे आसे, आमचो काजे गुहार करू आय।

1 कुरिन्थियो 5:6

तुमचो घमण्ड करतोर अच्छा नुआय; काय तुमी नी जानास कि खिन्डिक असन खमीर पुईतराय चटकलो बिती आंटा के खमीर करून देऊ आय।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

1 कुरिन्थियो 9:8

काय मय ऐ गोठमन माने ची चो रीति थाने बलेंसें?

गलातियो 3:15

हे भाईमन, मय माने चो रीति थाने बलें सें; माने चो बायदा बले जोन पक्का होऊन जाऊ आय, तेबे ना कोनी हुनके नी टालु आय आउर ना हुन थाने काई बड़ाऊ आय।

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।