रोमियो 6:14 - Halbi

¹⁴ तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

परमेस्वर को सच्चो वचन ख जाननू

¹⁴ अऊर तुम लोग हुन पर को पाप कोई अधिकार नी रहे। अब तुम मूसा को नेम को नी, बल्कि किरपा को बस हैं।

रोमियो 6:14 ပူးပေါင်းရင်းမြစ်များ

मत्ती 1:21

हुन बेटा जनमायदे आउर तुय हुनचो नाव ईशु संगाव, कसनबल्लोने हुन आपलो लोगमन चो हुनमन चो पापमन ले मुक्ति करेदे।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 8:36

ऐईकाजे अगर बेटा तुमके छुटछाड़ा करेदे, तेबे सते तुमी छुटछाड़ा होऊन जाहा से।

रोमियो 11:6

अगर ऐ अनुग्रह ले होली से, तो फेर करम ले नुआय; नी होले अनुग्रह फेर अनुग्रह नी रये।

रोमियो 4:16

ऐई कारन बायदा बिश्वास थाने टिकली से कि अनुग्रह चो रीति थाने होओ, कि हुन हुनचो सपाय बंशमन चो काजे जमखम होओ, ना कि मात्र हुनचो काजे जोन नियम बिता आय मान्तर हुनचो काजे बले जोन अब्राहाम चो समान बिश्वास बिता आत; हुनी तो आमी सपाय चो बुआ आय,

रोमियो 5:17

कसनबल्लोने जिदलदाय गोटक माने चो अपराध चो लागुन मरना हुन गोटक ची चो कारन राज करलो, तेबे जोन लोग अनुग्रह आउर धरमरूपी बर खुब ले खुबे पाऊ आत हुनमन गोटक माने चो, बल्लोने ईशु मसीह चो कारन जरूर ची अमर जीवना ने राज करोत।

रोमियो 5:18

ऐईकाजे जसन गोटक अपराध सपाय मानेमन चो काजे डण्ड चो हुकुम चो कारन होली, असने ची गोटक धरम चो काम बले सपाय मानेमन चो काजे जीवन चो काजे धरमी ठेबाय जातोर कारन होली।

रोमियो 6:12

ऐईकाजे पाप तुमचो नाश होतो बिती देंह ने राज नी करो, कि तुमी हुनचो लालचमन चो आसा ने राआ;

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

रोमियो 8:12

ऐईकाजे हे भाईमन, आमी देंह चो करजदार नुवांव कि देंह चो अनुसार दिन बिताऊ,

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

गलातियो 3:23

मान्तर बिश्वास चो ऐतोर ले पयले नियम चो अधीन ने आमचो राका होते रली, आउर हुन बिश्वास चो ऐ ओत ले जोन परकट होतो बिती रये, आमी हुनचो गांट ने रलु।

गलातियो 4:21

तुमी जोन नियम चो अधीन होऊक चाहायसास, मोके सांगा, काय तुमी नियम चो नी सुनास?

गलातियो 5:18

आउर अगर तुमी आत्मा चो चला लो ने चलु आस तो नियम चो अधीन नी रलास।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 8:10

फेर परबु बले से, कि जोन बायदा मय हुन दिनमन चो पाचे इस्राएल चो घरलोगमन संगे बान्दे दे, हुन ऐ आय कि मय आपलो नियम के हुनमन चो मन ने भरें दे, आउर हुनके हुनमन चो कारजा थाने लिकेन्दे, आउर मय हुनमन चो माहापुरू ठेबें दे आउर हुनमन मोचो लोग ठेबदे।