रोमियो 6:13 - Halbi

¹³ आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

परमेस्वर को सच्चो वचन ख जाननू

¹³ अर नी अपनो आग हुन ख अधर्म का हथियार होन का लाने पाप ख दियो, पर अपनो तुम ख मरो भयो म से जिन्दो हुयो जाना क परमेस्वर ख दियो, अर अपनो सरीर हुन ख धर्म ख हथियार होन का लाने परमेस्वर ख दियो।

रोमियो 6:13 ပူးပေါင်းရင်းမြစ်များ

लूका 15:24

कसनबल्लोने मोचो ऐ बेटा मरून जाऊ रलो, फेर जीवलो: हाजुन जाऊ रलो, अदायं मिरलो से।’ आउर हुनमन हरिक करूक मुरयाला।

लूका 15:32

मान्तर अदायं हरिक करतोर आउर उदम होतोर आसे कसनबल्लोने ऐ तुचो भाई मरून जाऊ रलो, फेर जीवलो से; हाजुन जाऊ रलो, अदायं मिरलो से’।”

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

रोमियो 1:29

ऐईकाजे हुनमन सपाय परकार चो अधरम, आउर दुष्ट, आउर लोभ, आउर बयर ले भरला; आउर डाह, आउर हत्या, आउर झगड़ा, आउर छंद, आउर कुचर ले भरपूर होला, आउर खुदेयार,

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 6:11

असने ची तुमी बले आपन खुद के पाप चो काजे तो मरा, मान्तर माहापुरू चो काजे मसीह ईशु ने जीव समजा।

रोमियो 6:16

काय तुमी नी जानास कि जेचो हुकुम मानतो काजे तुमी आपन खुद के दासमन चो समान सोपुन देऊ आहास हुनचेई दास आहास भला पाप चो, जेचो आखरी मरना आय, भला हुकुम मानु चो, जेचो आखरी धारमिकता आय?

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

रोमियो 7:23

मान्तर मोके आपलो अंगमन ने दुसर परकार चो नियम दका पडु आय, जोन मोचो अकल चो नियम ले लडु आय आउर मोके पाप चो नियम चो गांट ने डालु आय जोन मोचो अंगमन ने आसे।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

1 कुरिन्थियो 6:15

काय तुमी नी जानास कि तुमचो देंह मसीह चो अंग आय? तो काय मय मसीह चो अंग धरून भाती हुनमन के बेश्या चो अंग बनायेंदें? केबीई नाई।

1 कुरिन्थियो 6:20

कसनबल्लोने दाम देऊन घेनाय गेलासास, ऐईकाजे आपलो देंह चो बाटले माहापुरू चो महिमा करा।

1 कुरिन्थियो 6:9

काय तुमी नी जानास कि अनियायी लोग माहापुरू चो राज चो हकदार नी होदे? धोका नी खाआ; ना बेश्यागामी, ना मुरती पुजा करू, ना दुसर चो बायले नेतो बिता, ना लुच, ना पुरूषगामी,

2 कुरिन्थियो 10:4

कसनबल्लोने आमचो लड़ीई चो हत्यार शारीरिक नुआय, मान्तर गढ़मन के घसरातो काजे माहापुरू चो दुआरा सामरती आय।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

2 कुरिन्थियो 8:5

आउर जसन आमी आशा करू रलु, असने ची नाई मान्तर हुनमन परबु के फेर माहापुरू चो इच्छा ले आमके बले आपन खुद के देउन दिला।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 5:14

ऐईकाजे हुन बलेंसें, “हे सोहतो बितामन, चेत आउर मरलो थानले जीव उठ; तेबे मसीह चो उजर तुचो उपरे चमके दे।”

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

कुलुस्सियो 2:13

हुन तुमके बले, जोन आपलो अपराधमन के आउर आपलो देंह चो बिन खतना हाल ने मुरदा रवत, हुनचो संगे जिआ लो, आउर आमचो सपाय अपराधमन के छमा करलो,

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

2 थिस्सलुनीकियो 2:12

तेबे जितरो लोग सत चो बिश्वास नी करोत, मान्तर अधरम ले हरिक होऊ आत, हुनमन सपाय डण्ड पाओत।

2 तीमुथियुस 2:15

आपन खुद के माहापुरू चो गरहन लायक आउर असन काम करतो बिता ठेबातोर कोशिश कर, जोन लाज होऊक नी सको, आउर जोन सत चो बचन के अच्छा रीति ले काम ने आनु आय।

याकूब 4:1

तुमचो थाने लड़ीईमन आउर झगड़ामन काहां ले ईली? काय हुन सुक-सुबिदामन ले नुआय जोन तुमचो धड़मन ने लडु आत आउर भिडू आत।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

1यूहन्ना 1:9

मान्तर आमी आपलो पापमन के मानुन्दे, तेबे हुन आमचो पापमन के छमा करतो आउर आमके सपाय अधरम ले शुद्ध करतो ने बिश्वास लायक आउर धरमी आय।