रोमियो 5:18 - Halbi

¹⁸ ऐईकाजे जसन गोटक अपराध सपाय मानेमन चो काजे डण्ड चो हुकुम चो कारन होली, असने ची गोटक धरम चो काम बले सपाय मानेमन चो काजे जीवन चो काजे धरमी ठेबाय जातोर कारन होली।

परमेस्वर को सच्चो वचन ख जाननू

¹⁸ एकोलाने जसो एक अपराध सब अदमी हुन का लाने सजा कि आग्या को कारन भयो, वसो ही एक धर्म को काम भी सब अदमी हुन को लाने जिन्दगी को पाप मुक्ति न्याय अर जीवन मिलो।

रोमियो 5:18 ပူးပေါင်းရင်းမြစ်များ

यूहन्ना 1:7

हुन गोहई देऊक ईलो कि उजर चो गोहई देओ, कसनबल्लोने सपाय हुनचो बाटले बिश्वास आनोत।

यूहन्ना 12:32

आउर मय अगर धरतनी थानले डेंग थाने चेगाया जायें दें, तेबे सपाय के आपलो लगे झिकें दें।”

यूहन्ना 3:26

आउर हुनमन यूहन्ना चो लगे ऐऊन भाती हुनचो ले बल्ला, “हे गुरू, जोन माने यरदन लंदी चो हुनपाट तुचो संगे रये, आउर जेचो तुय गोहई दिली सीस; दक, हुन डूबन देऊ आय, आउर सपाय हुनचो लगे ऐऊ आत।”

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

रोमियो 3:25

हुनके माहापुरू हुनचो लऊ चो लागुन गोटक असन पशतावा ठेबालो, जोन बिश्वास करलो ले कामकरू होऊ आय, कि जोन पाप पयले करला आउर जेचो उपरे माहापुरू आपलो धीरज चो लागुन धिआन नी दिलो। हुनमन चो बारे ने हुन आपलो धारमिकता उजागर करो।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 5:12

ऐईकाजे जसन गोटक माने चो कारन पाप जगत ने ईली, आउर पाप चो कारन मरना ईली, आउर ऐई रीति ले मरना सपाय मानेमन ने फयलुन गेली, कसनबल्लोने सपाय पाप करला।

रोमियो 5:15

मान्तर जसन अपराध चो हाल आय, असने ची अनुग्रह चो बर चो नाई, कसनबल्लोने जिदलदाय गोटक माने चो अपराध ले खुबे लोग मरला, तेबे माहापुरू चो अनुग्रह आउर हुनचो जोन दान गोटक माने चो, बल्लोने ईशु मसीह चो, अनुग्रह ले होली खुबे असन लोगमन उपरे जरूर ची जादा ले जादा होली।

रोमियो 5:19

कसनबल्लोने जसन गोटक माने चो हुकुम नी मानलो ने खुबे लोग पापी ठेबला, असने ची गोटक माने चो हुकुम मानलो ने खुबे लोग धरमी ठेबदे।

रोमियो 6:14

तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

1 कुरिन्थियो 15:22

आउर जसन आदम ने सपाय मरू आत, असने ची मसीह ने सपाय जिआया जादे,

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

1यूहन्ना 2:20

मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।