रोमियो 5:17 - Halbi

¹⁷ कसनबल्लोने जिदलदाय गोटक माने चो अपराध चो लागुन मरना हुन गोटक ची चो कारन राज करलो, तेबे जोन लोग अनुग्रह आउर धरमरूपी बर खुब ले खुबे पाऊ आत हुनमन गोटक माने चो, बल्लोने ईशु मसीह चो कारन जरूर ची अमर जीवना ने राज करोत।

परमेस्वर को सच्चो वचन ख जाननू

¹⁷ काहेकि जब एक व्यक्ति को अपराध ख करन एक ही इंसान को माध्दयम राज को सासन होऐ, ते ऐ से कही जादा फैलो हुओ किरपा अर धर्म को उ वरदान जे उनको जीवन म ओ पर एक इंसान यीसु मसी को माध्यम सासन करे।

रोमियो 5:17 ပူးပေါင်းရင်းမြစ်များ

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

यूहन्ना 10:10

चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

रोमियो 5:12

ऐईकाजे जसन गोटक माने चो कारन पाप जगत ने ईली, आउर पाप चो कारन मरना ईली, आउर ऐई रीति ले मरना सपाय मानेमन ने फयलुन गेली, कसनबल्लोने सपाय पाप करला।

रोमियो 5:15

मान्तर जसन अपराध चो हाल आय, असने ची अनुग्रह चो बर चो नाई, कसनबल्लोने जिदलदाय गोटक माने चो अपराध ले खुबे लोग मरला, तेबे माहापुरू चो अनुग्रह आउर हुनचो जोन दान गोटक माने चो, बल्लोने ईशु मसीह चो, अनुग्रह ले होली खुबे असन लोगमन उपरे जरूर ची जादा ले जादा होली।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

रोमियो 6:14

तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 8:39

ना गड़ीयां आउर ना कोनी आउर रचना, आमके माहापुरू चो मया ले, जोन आमचो परबु मसीह ईशु ने आसे, अलग करूक सके दे।

1 कुरिन्थियो 15:49

आउर जसन आमी हुनचो रूप धारन करलु जोन माटी चो रलो असने ची हुन सरग चो रूप बले धारन करूं दे।

1 कुरिन्थियो 4:8

तुमी तो संतुष्ट होऊन चुकलास, तुमी सवकार होऊन चुकलास, तुमी आमचो नाहलोर राज करलास; मान्तर नुकु होती कि तुमी राज करतास कि आमी बले तुमचो संगे राज करतु।

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;

1तीमुथियुस 1:14

आउर आमचो परबु चो अनुग्रह हुन बिश्वास आउर मया चो संगे जोन मसीह ईशु ने आसे, खुबे ले खुबे होली।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 20:6

धन्य आउर पवितर हुन आय, जोन ऐ पयला जीव उठतोर चो भागी आय। असन लोगमन थाने दुसर मरना चो काई बल्ले अधिकार निआय, मान्तर हुनमन माहापुरू आउर मसीह चो याजक हो दे आउर हुनचो संगे हजार बरक तक राज कर दे।

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”