रोमियो 4:6 - Halbi

⁶ जेके माहापुरू बिना करममन चो धरमी ठेबाऊ आय, हुनके दाऊद बले धन्य बोलु आय:

परमेस्वर को सच्चो वचन ख जाननू

⁶ यूईच तरह दाऊद उ अदमी को अच्छो कह हैं, जे ख परमेस्वर बीना काम कियो भी धार्मिकता इंसान ठहरानो हैं:

रोमियो 4:6 ပူးပေါင်းရင်းမြစ်များ

मत्ती 25:19

“खुबे दिनमन चो पाचे हुन दासमन चो मालिक ऐऊन भाती हुनमन ले लेखा धरूक मुरयालो।

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

रोमियो 3:27

तो घमण्ड करतोर काहां रली? हुनचो तो जगा ची निआय। कोन-बिती नियम चो कारन ले? काय करममन चो नियम ले? नाई, मान्तर बिश्वास चो नियम चो लागुन।

रोमियो 4:11

हुन खतना चो चिना पावलो कि हुन बिश्वास चो धारमिकता थाने छाप होऊन जाओ जोन हुन बिना खतना चो हाल ने संगाऊ रलो, जेचो ले हुन-हुन सपाय चो बुआ ठेबो जोन बिना खतना चो हाल ने बिश्वास करू आत बल्ले हुनमन बल्ले धरमी ठेबोत;

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

रोमियो 4:5

मान्तर जोन काम नी करे मान्तर भक्ति नी करतो बिता चो धरमी ठेबातो बिता उपरे बिश्वास करू आय, हुनचो बिश्वास हुनचो काजे धारमिकता गेना जाऊ आय।

रोमियो 4:7

“धन्य आत हुनमन जोनमन चो अधरम छमा होली आउर जोनमन चो पाप ढ़ापाय गेली।

रोमियो 4:9

तेबे ऐ धन्य बचन, काय खतना बितामन ची काजे आय नाहले खतना नी होलो बितामन चो काजे बले? आमी ऐ बोलु से, “अब्राहाम चो काजे हुनचो बिश्वास धारमिकता गेनाय गेली।”

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

गलातियो 4:15

तेबे हुन तुमचो हरिक बनातोर काहां गेली? मय तुमचो गोहई आंय कि अगर होऊक सकती तो तुमी आपलो आँईकमन बले निकराऊन भाती मोके देउन देतास।

इफिसीयो 1:3

आमचो माहापुरू आउर परबु ईशु मसीह चो बुआ चो धन्यबाद होओ कि हुन आमके मसीह ने सरग चो जगामन ने सपाय परकार चो आत्मिक आशीष दिलो से।

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;

2 तीमुथियुस 1:9

जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,

याकूब 2:18

बल्ले कोनी बोलुक सके, “तुके बिश्वास आसे आउर मय करम करेंसे।” तुय आपलो बिश्वास मोके करम बिना तो दकाव; आउर मय आपलो बिश्वास आपलो करममन चो दुवारा तुके दकायेंदें।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।