रोमियो 4:16 - Halbi

¹⁶ ऐई कारन बायदा बिश्वास थाने टिकली से कि अनुग्रह चो रीति थाने होओ, कि हुन हुनचो सपाय बंशमन चो काजे जमखम होओ, ना कि मात्र हुनचो काजे जोन नियम बिता आय मान्तर हुनचो काजे बले जोन अब्राहाम चो समान बिश्वास बिता आत; हुनी तो आमी सपाय चो बुआ आय,

परमेस्वर को सच्चो वचन ख जाननू

¹⁶ अऊर सब कुछ विस्वास पर अर दया म निर्भर रह हैं, उ वादा पर नी केवल वी लोग हुन पर जे नेम ख मान हैं पर समस्य पर लागु होवा हैं अर उन सभी को ऊपर जे दया नेक जसो विस्वास करनो हैं अब्राहम हम सबको बाप हैं।

रोमियो 4:16 ပူးပေါင်းရင်းမြစ်များ

लूका 19:9

तेबे ईशु हुनचो ले बल्लो, “आजी ऐ घर ने मुक्ति ईली से, ऐईकाजे कि ऐ बले अब्राहाम चो गोटक बेटा आय।

रोमियो 15:8

ऐईकाजे मय बलेंसें कि जोन बायदामन बुआ दादीमन के दिआय जाऊ रये हुनमन के जमखम करतो काजे मसीह, माहापुरू चो सत चो सबुत देतो काजे, खतना करलोर लोगमन चो सेवक बनलो;

रोमियो 3:22

बल्लोने माहापुरू चो हुन धारमिकता जोन ईशु मसीह उपरे बिश्वास करलो ने सपाय बिश्वास करतो बितामन चो काजे आय। कसनबल्लोने काई भेद नियाय;

रोमियो 3:30

कसनबल्लोने गोटक ची माहापुरू आसे, जोन खतना बितामन के बिश्वास ले आउर खतना नी होलो बितामन के बले बिश्वास चो बाटले धरमी ठेबा ये दे।

रोमियो 4:11

हुन खतना चो चिना पावलो कि हुन बिश्वास चो धारमिकता थाने छाप होऊन जाओ जोन हुन बिना खतना चो हाल ने संगाऊ रलो, जेचो ले हुन-हुन सपाय चो बुआ ठेबो जोन बिना खतना चो हाल ने बिश्वास करू आत बल्ले हुनमन बल्ले धरमी ठेबोत;

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 9:8

बल्लोने देंह चो पिला माहापुरू चो पिला नुआत, मान्तर बायदा चो पिला बंश गेनाय जाऊ आत।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

गलातियो 3:16

आउर बायदामन अब्राहाम के आउर हुनचो बंश के दिया गेली। हुन ऐ नी बले, “बंशमन के,” जसन खुबेमन चो बारे ने बल्लो; मान्तर जसन गोटक चो बारे ने कि “तुचो बंश के” आउर हुन मसीह आय।

गलातियो 3:22

मान्तर पवितर शास्त्र सपाय के पाप चो अधीन करून दिलो, बल्ले हुन बायदा जेचो आधार ईशु मसीह उपरे बिश्वास करतोर आय, बिश्वास करतो बितामन चो काजे पुरा होऊन जाओं।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 2:8

कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

2 पतरस 1:10

ऐई लागुन हे भाईमन, आपलो हाग दिलोर, आउर चुनलो के सिद्ध करतोर अच्छा तरीका ले कोशिश करते जाहा, कसनबल्लोने अगर असन करा से तो केबीई बले ठोकरना नी खाआ से;