रोमियो 3:4 - Halbi

⁴ केबीई नाई! मान्तर माहापुरू सत आउर सपाय माने फंदी ठेबाया जादे, जसन लिकलोर आसे, “जेचो ले तुय आपलो गोठमन ने धरमी हो से आउर नियाय करतो समया तुय जय पाव।”

परमेस्वर को सच्चो वचन ख जाननू

⁴ कभी नी भलो ही हर एक व्यक्ति झूठो निकल जाहे, पर परमेस्वर सच्चो लिखो होए; जसो कि सुध्द सास्र म लिखो हैं तोरो वचन तोखा धार्मिकता ठहरायो हैं; जब तोरो न्यायीपन होय हैं ते तू जीत मिले हैं।

रोमियो 3:4 ပူးပေါင်းရင်းမြစ်များ

मत्ती 11:19

माने चो बेटा खाते पीते ईलो, आउर हुनमन बोल सोत ‘दका, पेटू आउर मतवार माने, कर धरू बितामन आउर पापीमन चो मीत!’ मान्तर गिआन आपलो काममन ले सत ठेबाया गेलीसे।”

लूका 20:16

हुन ऐऊन भाती हुन किसानमन के नाश करे दे, आउर अंगुर चो बनवाड़ी दुसर के सोपे दे।” ऐ सुनुन भाती हुनमन बल्ला “माहापुरू करो असन नी होओ।”

यूहन्ना 3:33

जोन हुनचो गोहई गरहन करला हुन ऐ गोठ थाने छापा लगाऊन दिला कि माहापुरू सते आय।

रोमियो 11:1

ऐईकाजे मय बलेंसें, काय माहापुरू आपलो परजा के छांडुन दिलो? केबीई नाई! मय बले तो इस्राएली आंय, अब्राहाम चो बंश आउर बिन्यामीन चो बंश थानले आंय।

रोमियो 11:11

आउर मय बलेंसें काय हुनमन ऐईकाजे ठोकर खादला कि घसरुन पड़ोत? केबीई नाई! मान्तर हुनमन चो घसरतोर लागुन दुसर जातिमन के मुक्ति मिरली, कि हुनमन के जलन होओ।

रोमियो 3:31

तेबे काय आमी नियम के बिश्वास चो बाटले फकाहा ठेबाऊ से? केबीई नाई! मान्तर नियम के थीर करूं से।

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

रोमियो 6:2

केबीई नाई! आमी जिदलदाय पाप चो काजे मरून गेलु तेबे फेर पयले ले हुन थाने कसन जीवना बितावां?

रोमियो 7:13

तेबे काय हुन जोन अच्छा रली, मोचो काजे मरना ठेबली? केबीई नाई! मान्तर पाप हुन अच्छा तीज चो बाटले मोचो काजे मरना चो पयदा करतो बिता होलो कि हुनचो पाप होतोर उजागर होओ, आउर हुकुम चो बाटले पाप खुबे ची पापमय ठेबो।

रोमियो 7:7

तेबे आमी काय बलवां? काय नियम पाप आय? केबीई नाई! मान्तर बिना नियम चो मय पाप के नी चितायें नियम अगर नी बोलती, कि लालच नी कर तेबे मय लालच के नी जानते।

रोमियो 9:14

ऐईकाजे आमी काय बलवां? काय माहापुरू चो थाने अनियाय आसे? केबीई नाई।

1 कुरिन्थियो 6:15

काय तुमी नी जानास कि तुमचो देंह मसीह चो अंग आय? तो काय मय मसीह चो अंग धरून भाती हुनमन के बेश्या चो अंग बनायेंदें? केबीई नाई।

2 कुरिन्थियो 1:18

माहापुरू बिश्वास लायक गवा आय कि आमचो हुन बचन ने जोन तुमचो ले बल्लो ‘हव’ आउर ‘नाई’ दुनो नी पाया जाओत।

गलातियो 2:17

आमी जोन मसीह ने धरमी ठेबतोर चाहाऊं से, अगर खुद ची पापी निकरूं दे तेबे काय मसीह पाप चो सेवक आय? केबीई नाई!

गलातियो 2:21

मय माहापुरू चो अनुग्रह के फोकाहा नी ठेबा ये; कसनबल्लोने अगर नियम चो बाटले धारमिकता होती, तेबे मसीह चो मरतोर फोकाहा होती।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

1यूहन्ना 5:10

जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”