रोमियो 3:29 - Halbi

²⁹ काय माहापुरू मात्र यहूदीमन चो ची आय? काय दुसर जातिमन चो नुआय? हव, दुसर जातिमन चो बले आय।

परमेस्वर को सच्चो वचन ख जाननू

²⁹ का परमेस्वर केवल यहूदी हुन को ही का हैं? का गैर यहूदी हुन को परमेस्वर नी हैं? उ पको ही गैर यहूदी हुन को भी परमेस्वर हैं।

रोमियो 3:29 ပူးပေါင်းရင်းမြစ်များ

मत्ती 22:32

‘मय अब्राहाम चो माहापुरू, आउर इसाक चो माहापुरू, आउर याकूब चो माहापुरू आंय’? हुन मरलोमन चो नाई, मान्तर जीवतामन चो माहापुरू आय।”

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

प्रेरितो 10:34

तेबे पतरस बल्लो, “अदायं मोके तय होली कि माहापुरू काचीई पक्ष नी करे”

प्रेरितो 22:21

आउर हुन मोचो ले बल्लो, जाते जा: कसनबल्लोने मय तुके दुसर जातिमन चो लगे लापी-लापी पटायें दें।

प्रेरितो 26:17

आउर मय तुके तुचो लोगमन ले आउर दुसर जातिमन ले बचाते रयें दे, जोनमन लगे मय अदायं तुके ऐईकाजे पटायें से

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 10:12

यहूदीमन आउर यूनानीमन ने काई भेद नियाय, ऐईकाजे कि हुन सपाय चो परबु आय आउर आपलो सपाय नाव धरतो बितामन काजे उदार आय।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।