रोमियो 3:28 - Halbi

²⁸ ऐईकाजे आमी ऐ नतीजा थाने पहुँचु आंव कि माने नियम चो काममन ले अलग ची, बिश्वास चो बाटले धरमी ठेबु आय।

परमेस्वर को सच्चो वचन ख जाननू

²⁸ एकोलाने हम ऊईच परिनाम पर पहुचो हैं, कि इंसान नेम को कामहुन से अलग ही विस्वास को दुवारा धर्मी ठहरायो हैं।

रोमियो 3:28 ပူးပေါင်းရင်းမြစ်များ

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

रोमियो 3:26

मान्तर ऐई समया हुनचो धारमिकता उजागर होओ। कि जेचो ले हुन खुद ची धरमी ठेबो, आउर जोन ईशु चो उपरे बिश्वास करू आत हुनचो बले धरमी ठेबातो बिता होओ।

रोमियो 4:5

मान्तर जोन काम नी करे मान्तर भक्ति नी करतो बिता चो धरमी ठेबातो बिता उपरे बिश्वास करू आय, हुनचो बिश्वास हुनचो काजे धारमिकता गेना जाऊ आय।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 3:24

ऐईकाजे नियम मसीह लगले पहुँचातो काजे आमचो गुरजी होलो से कि आमी बिश्वास ले धरमी ठेबु।

गलातियो 3:8

आउर पवितर शास्त्र पयले ची ले ऐ जानुन भाती कि माहापुरू दुसर जातिन के बिश्वास ले धरमी ठेबा ये दे। पयले ची ले अब्राहाम के ऐ नगतखबर सुनान दिलो कि “तुचो ने सपाय जातिमन आशीष पावदे।”

इफिसीयो 2:9

आउर ना काममन चो लागुन, असन नी होओ कि कोनी घमण्ड करोत।

फिलिप्पियो 3:9

आउर हुन थाने मिरूक होओ; ना कि आपलो हुन धारमिकता चो संगे, जोन नियम ले आसे, मान्तर हुन धारमिकता चो संगे जोन मसीह उपरे बिश्वास करतोर कारन आय आउर माहापुरू चो बाटले बिश्वास करलो ने मिरू आय;

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

याकूब 2:18

बल्ले कोनी बोलुक सके, “तुके बिश्वास आसे आउर मय करम करेंसे।” तुय आपलो बिश्वास मोके करम बिना तो दकाव; आउर मय आपलो बिश्वास आपलो करममन चो दुवारा तुके दकायेंदें।

याकूब 2:20

मान्तर हे ठग माने, काय तुय ऐ बले नी जानीस कि करम बिना बिश्वास फकाहा आय?

याकूब 2:24

असने परकार तुमी दकलास कि माने मात्र बिश्वास ले ची नाई, मान्तर करममन ले बले धरमी ठेबु आय।