रोमियो 3:25 - Halbi

²⁵ हुनके माहापुरू हुनचो लऊ चो लागुन गोटक असन पशतावा ठेबालो, जोन बिश्वास करलो ले कामकरू होऊ आय, कि जोन पाप पयले करला आउर जेचो उपरे माहापुरू आपलो धीरज चो लागुन धिआन नी दिलो। हुनमन चो बारे ने हुन आपलो धारमिकता उजागर करो।

परमेस्वर को सच्चो वचन ख जाननू

²⁵ ओ ख परमेस्वर न ओको खून को कारन एक असो पचताप ठहरायो, जे विस्वास करन से कामकारी होव हैं, कि जे अपराध पहले कियो गयो अऊर जीन पर परमेस्वर न अपनो सहनसीलता का कारन याद नी दियो। उन को बारे म उ अपनो धार्मिकता प्ररगट करिये।

रोमियो 3:25 ပူးပေါင်းရင်းမြစ်များ

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

प्रेरितो 14:16

हुन बितलो समयामन ने सपाय जातिमन के आपलो-आपलो बाट ने हिन्डुक दिलो।

प्रेरितो 15:18

ऐ हुनी परबु बले से जोन जगत चो मुर ले ऐ गोठमन चो खबर देते ईलो से।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 2:23

हुनी ईशु के, जोन माहापुरू चो ठेबालोर उआट आउर पयले चो गिआन चो अनुसार धराया गेलो, तुमी अधरमीमन चो हाथ ले कुरूस थाने चेगाऊन भाती मारून दिलास।

प्रेरितो 3:18

मान्तर जोन गोठमन के माहापुरू सपाय अगम गिआनीमन चो मुंह ले पयले ची सांगुन देऊ रलो, कि हुनचो मसीह दुख उठाये दे, हुनमन के हुन ऐ रीति ले पुरा करलो।

प्रेरितो 4:28

कि जोन काई पयले ले तुचो सामरत आउर मति ले ठेबु रली हुनी करा।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 3:26

मान्तर ऐई समया हुनचो धारमिकता उजागर होओ। कि जेचो ले हुन खुद ची धरमी ठेबो, आउर जोन ईशु चो उपरे बिश्वास करू आत हुनचो बले धरमी ठेबातो बिता होओ।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 5:11

मात्र ऐई नाई, मान्तर आमी आपलो परबु ईशु मसीह चो कारन, जेचो कारन आमचो मेल होली से, माहापुरू ने हरिक होऊ आंव।

रोमियो 5:18

ऐईकाजे जसन गोटक अपराध सपाय मानेमन चो काजे डण्ड चो हुकुम चो कारन होली, असने ची गोटक धरम चो काम बले सपाय मानेमन चो काजे जीवन चो काजे धरमी ठेबाय जातोर कारन होली।

रोमियो 5:9

आउर जिदलदाय कि आमी अदायं हुनचो लऊ चो कारन धरमी ठेबलु, तेबे हुनचो कारन माहापुरू चो रीस ले कसन नी बचु दें?

1 कुरिन्थियो 5:7

जुना खमीर निकराऊन भाती आपन खुद के शुद्ध करा कि नवा चटकलो बिती आंटा बनुन जाहा; बल्ले तुमी अखमीरी हुआ। कसनबल्लोने आमचो बले फसह, जोन मसीह आय, बलिदान होलो से।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:13

मान्तर अदायं मसीह ईशु ने तुमी जोन पयले लापी रलास, मसीह चो लऊ चो लागुन लगे होऊन गेलास।

1तीमुथियुस 1:15

ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

इब्रानियो 10:4

कसनबल्लोने ऐ नी होतो बिती आय कि बयलामन आउर बोकड़ामन चो लऊ पापमन के लापी करो।

इब्रानियो 11:14

जोन असन गोठमन बोलु आत, हुनमन परकट करू आत कि खुद देश चो खोज ने आसोत।

इब्रानियो 11:17

बिश्वास ची ले अब्राहाम परका जातोर समया ने, इसाक के बलिदान चेगालो; आउर जोन बायदामन के सत मानु रये

इब्रानियो 11:7

बिश्वास ची ले नूह हुन गोठमन चो बारे ने जोन हुन समया दका नी पड़ते रली, धमकी पाऊन भाती भक्ति चो संगे आपलो घरलोगमन चो बचाव काजे जाहाज बनालो, आउर हुनचो दुवारा हुन संवसार के दोषी ठेबालो; आउर हुन धरम चो हकदार होलो जोन बिश्वास ले होऊ आय।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

इब्रानियो 9:5

हुनचो उपरे दुनो तेजोमय सरगदूत रवत, जोन पश्तावा चो ढ़ाकना थाने छांय करून रवत; ऐ मन चो गोटक-गोटक करून वर्णन करतोर ऐबे मवका निआय।

1यूहन्ना 1:10

अगर आमी बोलुन्दे कि आमीमन पाप नी करलु, तेबे हुनके फंदी ठेबाऊ आय, आउर हुनचो बचन आमचो ने निआय।

1यूहन्ना 2:2

आउर हुनी आमचो पापमन चो पशतावा आय, आउर मात्र आमचो ची नाई मान्तर पुईतराय जगत चो पापमन चो बले।

1यूहन्ना 4:10

मया ऐ थाने निआय कि आमी माहापुरू ले मया करलु, मान्तर ऐ थाने आसे कि हुन आमके मया करलो आउर आमचो पापमन चो पशतावा चो काजे आपलो बेटा के पठालो।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,