रोमियो 3:20 - Halbi

²⁰ कसनबल्लोने नियम चो काममन ले कोनी जीव हुनचो पुरे धरमी नी ठेबदे ऐईकाजे कि नियम चो बाटले पाप चो पयचान होऊ आय।

परमेस्वर को सच्चो वचन ख जाननू

²⁰ काहेकि नेम को काम हुन से कोई सरीर ओखा सामने धर्मी नी ठहरे, एकोलाने कि नेम ख अऊर पाप हुन ख पहिचान होऐ हैं।

रोमियो 3:20 ပူးပေါင်းရင်းမြစ်များ

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

रोमियो 2:13

कसनबल्लोने माहापुरू चो थाने नियम चो सुनतो बिता धरमी नुआत, मान्तर नियम थाने चलतो बिता धरमी माना जादे।

रोमियो 3:28

ऐईकाजे आमी ऐ नतीजा थाने पहुँचु आंव कि माने नियम चो काममन ले अलग ची, बिश्वास चो बाटले धरमी ठेबु आय।

रोमियो 4:13

कसनबल्लोने ऐ बायदा कि हुन जगत चो हकदार होये दे, ना अब्राहाम के ना हुनचो बंश के नियम चो दुवारा दिआय जाऊ रली, मान्तर बिश्वास चो धारमिकता चो दुवारा मिरली।

रोमियो 4:15

नियम तो रीस पयदा करू आय, आउर जाहांय नियम निआय हुता हुनचो तोड़ बले निआय।

रोमियो 5:13

नियम चो दिआय जातो ले पाप जगत ने तो रये, मान्तर जोन थाने नियम निआय हुता पाप गेनाय नी जाये।

रोमियो 5:20

नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली,

रोमियो 7:11

कसनबल्लोने पाप मवका पाऊन हुकुम चो बाटले मोके बहकालो, आउर हुनचेई बाटले मोके मारून बले दिलो।

रोमियो 9:32

काय काजे? ऐईकाजे कि हुनमन बिश्वास ले नाई, मान्तर माना करममन ले हुनके डगराते रवत। हुनमन हुन ठोकर चो पकना थाने ठोकर खादला,

1 कुरिन्थियो 15:56

मरना चो डंक पाप आय, आउर पाप चो बल नियम आय।

गलातियो 2:16

तेबले बले ऐ जानुन भाती कि माने नियम चो काममन ले नाई, मान्तर मात्र ईशु मसीह चो उपरे बिश्वास करतोर लागुन धरमी ठेबु आय, आमी खुद बले मसीह ईशु उपरे बिश्वास करलु कि आमी नियम चो काममन ले नाई, मान्तर मसीह उपरे बिश्वास करतोर ले धरमी ठेबलु; ऐईकाजे कि नियम चो काममन ले कोनी जीव धरमी नी ठेबे दे।

गलातियो 2:19

मय तो नियम चो बाटले नियम चो काजे मरून गेले कि माहापुरू चो काजे जीयें।

गलातियो 5:4

तुमी जोन नियम चो बाटले धरमी ठेबुक चाहायसास, मसीह ले अलग आउर अनुग्रह ले घसरुन गेलासास।

इब्रानियो 7:19

(ऐईकाजे कि नियम कोनी गोठ चो सिद्ध नी करला), आउर हुनचो जगा थाने गोटक असन बड़ीया आशा संगाया गेली से जेचो दुवारा आमी माहापुरू चो लगे जाऊक सकु।