रोमियो 16:26 - Halbi

²⁶ मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

परमेस्वर को सच्चो वचन ख जाननू

²⁶ पर अब प्ररगट हो ख अनन्त परमेस्वर कि बात से भविस्यवक्‍ता हुन कि पुस्तक हुन को व्दारा सब जात हुन ख बतायो गयो हैं कि वी विस्वास से बात मान वाला हो जाहे।

रोमियो 16:26 ပူးပေါင်းရင်းမြစ်များ

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

रोमियो 1:2

जेचो हुन पयले ची ले आपलो अगम गिआनीमन चो बाटले पवितर शास्त्र ने,

रोमियो 1:20

हुनचो नी दकलो गुन, बल्लोने हुनचो जुग-जुग चो सामरत आउर माहापुरू रूप, जगत चो रचना चो समया ले हुनचो काममन चो बाटले दकुक लाय ऐऊ आय, ऐथा ले कि हुनमन बेजबाप आसोत।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 15:18

कसनबल्लोने हुन गोठमन के छांडुन मोके आउर कोनी गोठ चो बारे ने बले बोलतोर साहास निआय, जोन मसीह दुसर जातिमन चो लगे चो काजे बचन, आउर करम,

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 3:21

मान्तर अदायं नियम ले अलग माहापुरू चो हुन धारमिकता उजागर होली से, जेचो गोहई नियम आउर अगम गिआनी देऊ आत,

गलातियो 3:8

आउर पवितर शास्त्र पयले ची ले ऐ जानुन भाती कि माहापुरू दुसर जातिन के बिश्वास ले धरमी ठेबा ये दे। पयले ची ले अब्राहाम के ऐ नगतखबर सुनान दिलो कि “तुचो ने सपाय जातिमन आशीष पावदे।”

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 2:20

आउर पठालोबिता आउर अगम गिआनीमन चो पाया थाने, जेचो कोना चो पकना मसीह ईशु खुद ची आय, बनाया गेलासास।

कुलुस्सियो 1:26

बल्लोने हुन भेद के जोन समयामन आउर पीढ़ीमन ले गुपत रली, मान्तर अदायं हुनचो हुन पवितर लोगमन उपरे परकट होली से।

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

इब्रानियो 13:8

ईशु मसीह काली आउर आजी आउर जुग-जुग गोटक समान आय।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 1:17

जिदलदाय मय हुनके दकले तो हुनचो पाँयमन थाने मुरदा असन घसरुन पढ़ले। हुन मोचो उपरे आपलो उजा हाथ संगाऊन भाती बल्लो, नी डर; मय पयला आउर आखरी आउर जीव आंय;

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।