रोमियो 15:5 - Halbi

⁵ धीरज आउर शान्ति चो दाता माहापुरू तुमके ऐ बर देओ कि मसीह ईशु चो अनुसार आपस ने गोटक मन राआ।

परमेस्वर को सच्चो वचन ख जाननू

⁵ अऊर परमेस्वर ही धीरज अर सान्ति को परमेस्वर खुद लोग हुन ख वरदान दे कि तुम यीसु मसी ख सिक्छा ख जसो आपस म मेल मिलाप को भाव बनायो रखो।

रोमियो 15:5 ပူးပေါင်းရင်းမြစ်များ

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:3

कसनबल्लोने मसीह आपन खुद के हरिक नी करलो, मान्तर जसन लिकलोर आसे, “तुचो निन्दा करूमन चो निन्दा मोचो उपरे ईली।”

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 7:6

तेबले बले दिनमन के शान्ति देतो बिता माहापुरू तीतुस चो ईलो ले आमके शान्ति दिलो;

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 2:2

तो मोचो ऐ हरिक पुरा करा कि गोटक मन राआ, आउर गोटक ची मया, गोटक ची चित, गोटक ची मनसा संगाआ।

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

फिलिप्पियो 4:2

मय यूओदिआ के बिनती करें से आउर सुन्तूखे के बले, कि हुनमन परबु ने गोटक मन रओत।

1 पतरस 3:20

जोनमन हुन बितलो समया ने हुकुम नी मानला, जिदलदाय माहापुरू नूह चो दिनमन ने धीरज धरून भाती ठेबुन रये, आउर हुन जाहाज बनते रये, जोन थाने बसुन भाती खिन्डिक लोग बल्लोने आंट लोग पानी चो दुवारा बाचुन गेला।

1 पतरस 3:8

आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

2 पतरस 3:15

आउर आमचो परबु चो धीरज के मुक्ति समजा, जसन आमचो लाड़रा भाई पौलुस बले हुन गिआन चो अनुसार जोन हुनके मिरली, तुमके लिकलो से।

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।