रोमियो 15:26 - Halbi

²⁶ कसनबल्लोने मकिदुनिया आउर अखाया चो लोगमन के ऐ इच्छा लागली कि यरूशलेम चो पवितर लोगमन ने गरीब लोगमन चो काजे खिन्डिक चन्दा करोत।

परमेस्वर को सच्चो वचन ख जाननू

²⁶ काहेकि मकिदुनिया अर अखया का अदमी हुन ख यी अच्छो लग हैं कि यरूसलेम का सुध्द अदमी हुन म कंगाल हुन का लाने कुछ चन्दा करे।

रोमियो 15:26 ပူးပေါင်းရင်းမြစ်များ

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 26:11

कंगाल तो तुमचो संगे हरमेशा रऊ आत, मान्तर मय तुमचो संगे हरमेशा नी रये।

लूका 14:13

मान्तर जिदलदाय तुय भोज कर से तेबे कंगालमन, ठुठामन, खोड़ीयामन आउर कानामन के हाग देस।

लूका 6:20

तेबे हुन आपलो चेलामन चो बाटे दकुन भाती बल्लो, “धन्य आहास तुमी जोन सीदा आहास, कसनबल्लोने माहापुरू चो राज तुमचो आय।”

प्रेरितो 16:12

हुता ले आमी फिलिप्पी अमरलु, जोन मकिदुनिया गड़ चो खास नंगर आउर रोमिमन चो बस्ती आय; आउर आमी हुन नंगर ने खिन्डिक दिन ले रलु।

प्रेरितो 16:9

हुता पौलुस राती बेरा गोटक दरशन दकलो कि गोटक मकिदूनी माने उबा होऊन हुनचो ले बिनती करून बले से, “हुनपाट उतरून भाती मकिदुनिया ने आव, आउर आमचो सायता कर।”

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 19:21

जिदलदाय ऐ गोठमन होऊन चुकली तेबे पौलुस आत्मा ने ठानलो कि मकिदुनिया आउर अखाया ले होऊन भाती यरूशलेम ने जायें दें, आउर बल्लो, “हुता गेलोर पाचे मोके रोम के बले दकतोर जरूरी आय।”

प्रेरितो 9:13

हनन्या जबाप दिलो, हे परबु, मय ऐ माने चो बारे ने खुबेमन ले सुनले से कि ऐ यरूशलेम ने तुचो पवितर लोगमन चो संगे बड़े-बड़े खरापमन करलो से;

1 कुरिन्थियो 16:15

हे भाईमन, तुमी स्तिफनास चो घरलोगमन के जानास कि हुनमन अखाया चो पयला फल आत, आउर पवितर लोगमन चो सेवा चो काजे तिआर रऊ आत।

1 कुरिन्थियो 16:5

मय मकिदुनिया होऊन भाती तुमचो लगे ऐयें दें, कसनबल्लोने मोके मकिदुनिया होऊन भाती जातोर ची आय।

2 कुरिन्थियो 1:16

आउर तुमचो लगले होऊन भाती मकिदुनिया ने जायें, आउर फेर मकिदुनिया ले तुमचो लगे ऐयें दें; आउर तुमी मोके यहूदिया चो बाटे खिन्डिक दूर ले पहुँचाआ।

2 कुरिन्थियो 11:9

आउर जिदलदाय मय तुमचो संगे रये आउर मोके घाटा होली, तेबे मय काचीई उपरे बोजा नी लातले, कसनबल्लोने भाईमन मकिदुनिया ले ऐऊन भाती मोचो घटलोर के पुरा करला; आउर मय सपाय गोठ ने आपन खुद के तुमचो उपरे बोजा बनतोर ले ठेबाले, आउर ठेबाऊन रयें दे।

2 कुरिन्थियो 2:13

तेबे मोचो मन ने आराम नी मिरली, ऐईकाजे कि मय आपलो भाई तीतुस के नी पावले; ऐईकाजे हुनमन ले बिदा होऊन मय मकिदुनिया ने जाते गेले।

2 कुरिन्थियो 7:5

कसनबल्लोने जिदलदाय आमी मकिदुनिया ने ईलु, तेबे बले आमचो देंह के आराम नी मिरली; मान्तर आमी भोंवरक ले कलेश पावते रलु; बाहरे लड़ीईमन रली, भीतरे भयंकर गोठमन रली।

2 कुरिन्थियो 9:12

कसनबल्लोने ऐ सेवा चो पुरा करलो ने ना मात्र पवितर लोगमन चो जरूरतमन पुरा होऊ आय, मान्तर लोगमन चो बाटले माहापुरू चो बले खुबे धन्यबाद होऊ आय।

2 कुरिन्थियो 9:2

कसनबल्लोने मय तुमचो मन चो तिआर के जाने, जेचो लागुन मय तुमचो बारे ने मकिदुनिया रतो बितामन चो पुरे घमण्ड दकाऊ आंय कि अखाया चो लोग गोटक बरक ले तिआर होला सोत, आउर तुमचो हरिक आउर खुबेमन के बले उठाला से।

2 कुरिन्थियो 9:4

असन नी होओ कि अगर कोनी मकिदुनियावासी मचो संगे ऐ दे आउर तुमके तिआर नी पाओत, तेबे होऊक सके कि ऐ भरसा चो लागुन आमी (ऐ नी बोलु कि तुमी) लाजे पड़ा।

फिलिप्पियो 4:15

हे फिलिप्पिमन, तुमी खुद ची बले जानास कि नगतखबर परचार चो मुर ने, जिदलदाय मय मकिदुनिया ले बिदा होले, तेबे तुमके छांडुन आउर कोनी कलीसिया ने लेन-देन चो बारे ने मचो सायता नी करला।

1 थिस्सलुनीकियो 1:7

ऐथा ले कि मकिदुनिया आउर अखाया चो सपाय बिश्वासीमन चो काजे तुमी नमूना बनलास।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।

1 थिस्सलुनीकियो 4:10

आउर सपाय मकिदुनिया चो सपाय भाईमन चो संगे असन करू बले आहास। मान्तर हे भाईमन, आमी तुमके समजाऊँ से कि आउर बले बड़ते जाहा,

1तीमुथियुस 1:3

जसन मय मकिदुनिया ने जातो बेरा तुके समजाऊन रये, कि इफिसुस ने रऊन भाती कितलो लोगमन के हुकुम देस कि दुसर परकार चो सिक्या नी देओत,

फिलेमोन 1:5

कसनबल्लोने मय तुचो हुन मया आउर बिश्वास चो गोठ सुनु आंय, जोन सपाय पवितर लोगमन चो संगे आउर परबु ईशु उपरे आसे।