रोमियो 15:25 - Halbi

²⁵ मान्तर ऐबे तो मय पवितर लोगमन चो सेवा करतो काजे यरूशलेम ने जायें सें।

परमेस्वर को सच्चो वचन ख जाननू

²⁵ पर अभी ते मी सुध्द अदमी हुन कि सेवा करन का लाने यरूसलेम ख जाऊ हैं।

रोमियो 15:25 ပူးပေါင်းရင်းမြစ်များ

प्रेरितो 18:21

मान्तर ऐ बोलुन भाती हुनमन ले बिदा होलो, “अगर माहापुरू मन करे दे तेबे मय तुमचो लगे फेर ऐयें दें।” तेबे हुन इफिसुस ले जाहाज ढीलुन भाती जाते गेलो;।

प्रेरितो 19:21

जिदलदाय ऐ गोठमन होऊन चुकली तेबे पौलुस आत्मा ने ठानलो कि मकिदुनिया आउर अखाया ले होऊन भाती यरूशलेम ने जायें दें, आउर बल्लो, “हुता गेलोर पाचे मोके रोम के बले दकतोर जरूरी आय।”

प्रेरितो 20:16

कसनबल्लोने पौलुस इफिसुस चो लगे ले होऊन भाती जातोर तय करू रलो कि काहांय असन नी होओ कि हुनके आसिया ने बेर होओ; कसनबल्लोने हुन चांड ने रलो कि अगर होऊक सको तो हुन पिन्तेकुस्त चो दिने यरूशलेम ने रओ।

प्रेरितो 20:22

अदायं दका, मय आत्मा ने बन्दी होऊन यरूशलेम बाटे जाये से, आउर नी जाने कि हुता मोचो उपरे काय-काय घटे दे;

प्रेरितो 24:17

खुबे बरक चो पाचे मय आपलो लोगमन के दान पोंचाऊक, आउर भेट चेगाऊक ऐऊ रले।

प्रेरितो 9:13

हनन्या जबाप दिलो, हे परबु, मय ऐ माने चो बारे ने खुबेमन ले सुनले से कि ऐ यरूशलेम ने तुचो पवितर लोगमन चो संगे बड़े-बड़े खरापमन करलो से;

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

1 कुरिन्थियो 16:4

अगर मोचो बले जातोर ठीक होली, तेबे हुनमन मोचो संगे जादे।

2 कुरिन्थियो 8:4

आउर ऐ दान ने आउर पवितर लोगमन चो सेवा ने शामिल होतोर अनुग्रह चो बारे ने, आमचो ले घन-घन खुबे बिनती करला,

2 कुरिन्थियो 8:6

ऐईकाजे आमी तीतुस के समजालु कि जसन हुन पयले मुरयाऊ रलो, असने ची तुमचो मंजी ने ऐ दान चो काम के पुरा बले करोत।

गलातियो 2:10

मात्र ऐ बल्लो कि आमी कंगालमन चो सुद्धि धरू, आउर ऐई काम के करतोर मय खुद बले कोशिश करते रयें।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।