रोमियो 15:19 - Halbi

¹⁹ आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

परमेस्वर को सच्चो वचन ख जाननू

¹⁹ अर चिन्हान, अर अदभुत काम हुन कि सक्ति से, अर सुध्द आत्मा कि सक्ति से मोरो ही व्दारा कियो हैं; यहाँ तक कि मी न यरूसलेम से चारो तरफ इल्लुरिकुम तक मसी का सुसमाचार को पूरो प्रचार कियो हैं।

रोमियो 15:19 ပူးပေါင်းရင်းမြစ်များ

मत्ती 12:28

मान्तर अगर मय माहापुरू चो आत्मा चो सायता ले दुष्टआत्मामन के निकराऊ आंय, तेबे माहापुरू चो राज तुमचो लगे ऐऊन अमरली से।

यूहन्ना 4:48

ईशु हुनचो ले बल्लो, “जिदलदाय ले तुमी चिना आउर भयंकर काम नी दका से हुदलदाय ले केबीई बिश्वास नी करा से।”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 13:14

पिरगा ले पयले बडुन भाती हुनमन पिसिदिया चो अन्ताकिया ने पोंचला; आउर सब्त चो दिने आराधना घर ने जाऊन भाती बोसुन दिला।

प्रेरितो 13:51

तेबे हुनमन-हुनमन चो पुरे आपलो पाँयमन चो धुरला फाफडून भाती इकुनियुम ने गेला।

प्रेरितो 14:10

आउर जोर ले बल्लो, “आपलो पाँय चो बल सीदा उबा हो।” तेबे हुन उदलुन भाती हिन्डुक बुलुक मुरयालो।

प्रेरितो 14:20

मान्तर जिदलदाय चेलामन हुनमन चो भोंवरक ऐऊन उबा होला, तेबे हुन उठून भाती नंगर ने गेलो आउर दुसर दिने बरनबास चो संगे दिरबे ने जाते गेलो।

प्रेरितो 14:25

फेर पिरगा ने बचन सुनाऊन भाती अत्तलिया ने ईला।

प्रेरितो 14:6

तेबे हुनमन ऐ गोठमन के जानुन गेला, आउर लुकाउनीया चो लुस्त्रा आउर दिरबे नंगरमन ने, आउर लगे-लगे चो परदेशमन ने पराला

प्रेरितो 15:12

तेबे पुईतराय सभा ओगाय बरनबास आउर पौलुस चो सुनुक मुरयाली, कि माहापुरू हुनमन चो बाटले दुसर जातिमन ने कसन बड़े-बड़े चिना, आउर भयंकर काम दकालो।

प्रेरितो 16:18

हुन खुबे दिन ले असने ची करते रली; मान्तर पौलुस नराज होलो, आउर पलटून भाती हुन आत्मा के बल्लो, “मय तुके ईशु मसीह चो नाव ले हुकुम देयें से कि हुन थानले निकरून जा।” आउर हुन हुदली ची दाय निकरून गेली।

प्रेरितो 17:10

भाईमन तुरते रात ची रात पौलुस आउर सीलास के बिरीया पटाऊन दिला; आउर हुनमन हुता पहुँचुन भाती यहूदीमन चो आराधना घर ने गेला।

प्रेरितो 17:15

पौलुस के अमरातो बितामन हुनके एथेन्स लगले धरून गेला; आउर सीलास आउर तीमुथियुस चो काजे ऐ हुकुम पाऊन भाती बिदा होला कि हुनमन हुनचो लगे झटके ले झटके ऐ ओत।

प्रेरितो 18:1

ऐचो पाचे पौलुस एथेन्स के छांडुन भाती कुरिन्थुस ने ईलो।

प्रेरितो 18:19

हुन इफिसुस पोंचुन भाती हुनमन के हुता छांडलो, आउर खुद आराधना घर ने जाऊन भाती यहूदीमन चो संगे गोठ बात करूक मुरयालो।

प्रेरितो 19:1

जिदलदाय अपुल्लोस कुरिन्थुस ने रलो, तेबे पौलुस उपर चो सपाय परदेश ले होऊन भाती इफिसुस ने ईलो। हुता खिन्डिक चेलामन के दकुन भाती

प्रेरितो 20:20

आउर जोन-जोन गोठमन तुमचो फायदा चो रली, हुनमन के सांगतोर आउर लोगमन चो पुरे आउर घर-घर सिकातोर ने केबे नी झिझक ले

प्रेरितो 20:6

आउर आमी अखमीरी रोटी चो दिनमन चो पाचे फिलिप्पी ले जाहाज थाने चेगुन भाती पांच दिन ने त्रोआस ने हुनचो लगे पोंचलु, आउर सात दिन ले हुताय रलु।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 15:24

ऐईकाजे जिदलदाय मय स्पेन के जायें दें तो तुमचो लगे होते-होते ऐयेंदें, कसनबल्लोने मोके आशा आसे कि हुन यातरा ने तुमचो ले भेट होयेदे, आउर जिदलदाय तुमचो संगत ले मोचो जीव खिन्डिक भरून जाओ तेबे तुमी मोके खिन्डिक दूर पुरे अमराऊन दिआस।

1 कुरिन्थियो 2:4

आउर मोचो बचन, आउर मोचो परचार ने गिआन चो ललचातो बिती गोठमन निआय, मान्तर आत्मा आउर सामरत चो साकी गुआ रये,

2 कुरिन्थियो 12:12

पठालोबितामन चो चिना बले तुमचो मंजी सपाय परकार चो धीरज संगे चिनामन, आउर भयंकर काममन, आउर सामरत चो काममन दकाया गेली।

गलातियो 3:5

जोन तुमके आत्मा दान करे से आउर तुमनमन ने सामरत चो काम करे से, हुन काय नियम चो काममन ले नाहले नगतखबर थाने बिश्वास ले असन करे से?

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

1 थिस्सलुनीकियो 1:5

कसनबल्लोने आमचो नगतखबर तुमचो लगे ना मात्र शब्द मात्र ची ने मान्तर सामरत आउर पवितर आत्मा ने, आउर बड़े तय चो संगे पहुँचली से; जसन तुमी जानेसास कि आमी तुमचो काजे तुमचो मंजी ने कसन बनुन जाऊ रऊँ।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।