रोमियो 15:14 - Halbi

¹⁴ हे मोचो भाईमन, मय खुद तुमचो बारे ने जरूर जाने से कि तुमी बले खुद ची भलाई ले भरा आउर माहापुरू गिआन ले भरपूर हुआ, आउर गोटक दुसर के जनाऊक सकास।

परमेस्वर को सच्चो वचन ख जाननू

¹⁴ अरे मोरो भई हुन जहाँ तक तुम ख बारा, मी खुद विस्य कोच हैं अर विस्वास हैं कि तुम खुद ही भलाई अर समझो जानो से परिपूर्ण हो ख अर पूरी समझ से एक दुसरा ख सलाह दे सक।

रोमियो 15:14 ပူးပေါင်းရင်းမြစ်များ

1 कुरिन्थियो 1:5

कि हुन थाने होऊन भाती तुमी हर गोठ ने, बल्लोने पुईतराय बचन आउर पुईतराय गिआन ने सवकार कराय गेलास

1 कुरिन्थियो 12:8

कसनबल्लोने गोटक के आत्मा चो दुवारा अकल चो गोठमन दिया जाऊ आय, आउर दुसर के हुनी आत्मा चो अनुसार गिआन चो गोठमन।

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

1 कुरिन्थियो 8:10

कसनबल्लोने अगर कोनी तुय गिआनी के मुरती चो मंदिर ने भात खाते दकोत आउर हुन कमजोर जन होओ, तेबे काय हुनचो बिबक के मुरती चो पुरे पुजा करलो बिती चो तीज खातोर साहास नी होयेदे।

1 कुरिन्थियो 8:7

मान्तर सपाय के ऐ गिआन निआय, मान्तर कितरो तो ऐबले मुरतीमन के काई समजतोर कारन मुरतीमन चो पुरे पुजलो बिती तीज के काई समजुन भाती खाऊ आत, आउर हुनमन चो बिबक कमजोर होतोर लागुन अशुद्ध होऊन जाऊ आय।

2 कुरिन्थियो 8:7

ऐईकाजे जसन तुमी हर गोठ ने बल्लोने बिश्वास, बचन, गिआन आउर सपाय परकार चो कोशिश ने, आउर हुन मया ने जोन आमचो ले संगाऊ आस, बाड़ते जाऊ आस, असने ची ऐ दान चो काम ने बले बाड़ते जाआ।

इफिसीयो 5:9

(कसनबल्लोने उजर चो फल सपाय परकार चो भलाई, आउर धारमिकता, आउर सत आय),

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

1 थिस्सलुनीकियो 5:11

ऐई कारन गोटक दुसर के शान्ति दिआस आउर गोटक दुसर चो उन्नती चो कारन बना, जसन कि तुमी करू बले आहास।

1 थिस्सलुनीकियो 5:14

हे भाईमन, आमी तुमके समजाऊँ से कि जोन अच्छा चाल नी चलोत हुनमन के समजाहा, डरहामन के हिम्मत दिआस, बलनाहलो लोग के सम्भाला, सपाय चो बाटे सयनशक्ति दकाहा।

2 थिस्सलुनीकियो 1:11

ऐईकाजे आमी सदा तुमचो काजे पारथना बले करूं आंव कि आमचो माहापुरू तुमके ऐ हाग दिया जातोर चो लायक समजो, आउर भलाई चो हरकोनी इच्छा आउर बिश्वास चो हरकोनी काम के सामरत संगे पुरा करो,

2 तीमुथियुस 1:5

मोके तुचो हुन निष्कपट बिश्वास चो सुद्धि ऐऊ आय, जोन पयले तुचो दीदी लोईस आउर तुचो आया यूनीके ने रली, आउर मोके तय आसे कि तुचो थाने बले आसे।

फिलेमोन 1:21

मय तुचो हुकुम मानु होतोर भरसा संगाऊन भाती तुके लिकेंसे, आउर ऐ जाने कि जोन काई मय बोलु आंय, तुय हुनचो ले कईं बडुन भाती करसे।

इब्रानियो 5:12

समया चो बिचार ले तो तुमके गुरू होतोर रली, तेबले बले ऐ जरूरी होऊन गेली से कि कोनी तुमके माहापुरू चो बचनमन चो मुर सिक्या फेर ले सिकाओ। तुमी तो असन होऊन गेलासास कि तुमके अरन चो पलटा ऐबे ले गोरस ची जरूरत आसे।

इब्रानियो 6:9

मान्तर हे लाड़रामन, अगर आमी ऐ गोठमन बोलु आंव तेबले बले तुमचो बारे ने आमी ऐचो ले अच्छा आउर मुक्ति बिती गोठमन चो भरसा करूं आंव।

2 पतरस 1:12

ऐईकाजे अगर तुमी ऐ गोठमन जानास, आउर जोन सत बचन तुमके मिरली से हुन थाने बनुन राआ, तेबले बले मय तुमके ऐ गोठमन चो सुरता दियातोर हरमेशा तिआर रयें दे।

1यूहन्ना 2:21

मय तुमके ऐईकाजे नी लिकले कि तुमी सत के नी जानास, मान्तर ऐईकाजे कि हुनके जानास, आउर ऐईकाजे कि कोनी फंद, सत चो बाटले नुआय।