रोमियो 14:9 - Halbi

⁹ कसनबल्लोने मसीह ऐईकाजे मरलो आउर जीव बल्ले उठलो कि हुन मरलो बितामन चो आउर जीव रलो बितामन चो दुनो चो परबु होओ।

परमेस्वर को सच्चो वचन ख जाननू

⁹ काहेकि मसी यी का लाने मरो अर जीवित भी उठो हैं कि उ मरो हुयो अर जीवतो दुई को प्रभु आय।

रोमियो 14:9 ပူးပေါင်းရင်းမြစ်များ

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

लूका 24:26

काय जरूरी नी रली कि मसीह ऐ दुख उठाऊन भाती आपलो महिमा ने परवेश करो?”

यूहन्ना 12:24

मय तुमचो ले सत-सत बलें सें कि जिदलदाय ले गऊँ चो दाना भूईं थाने पडुन भाती मरून नी जाये, हुन ऐकला रऊ आय; मान्तर जिदलदाय मरून जाऊ आय, तेबे खुबे फल आनु आय।

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 10:42

आउर हुन आमके हुकुम दिलो कि लोगमन ने परचार करा आउर गोहई दिआस, कि ऐ हुनी आय जोन के माहापुरू जीवता आउर मरलो बितामन चो नियायी ठेबालो से।

रोमियो 10:9

कि अगर तुय आपलो मुंह ले ईशु के परबु जानुन भाती अंगीकार कर, आउर आपलो मन ले बिश्वास करो कि माहापुरू हुनके मरलो बितामन थानले जिआ लो, तेबे तुय जरूर मुक्ति पाव से।

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

1 थिस्सलुनीकियो 4:14

कसनबल्लोने अगर आमी बिश्वास करूं आंव कि ईशु मरलो आउर जीव बले उठलो, तेबे असने ची माहापुरू हुनमन के बले जोन ईशु ने सोहला से, हुनचेई संगे धरून ऐये दे।

1 थिस्सलुनीकियो 5:10

हुन आमचो काजे ऐई कारन मरलो कि आमी भले चेता रऊँ भले सोहते रऊँ, सपाय मिसुन भाती हुनचेई संगे जीऊ।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 4:5

मान्तर हुनमन हुनके जोन जीवता आउर मरलो बितामन चो नियाय करतो के तिआर आसोत, लेखा देदे।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”