रोमियो 14:2 - Halbi

² गोटक के बिश्वास आसे कि सपाय काई खातोर ठीक आय, मान्तर जोन बिश्वास ने कमजोर आसे हुन साग डार ची खाऊ आय।

परमेस्वर को सच्चो वचन ख जाननू

² काहे कि एक ख विस्वास करह हैं उ सब कुछ खा सका हैं, पर जे विस्वास म कमजोर हैं उ सब्जी भाजी ही खाए हैं।

रोमियो 14:2 ပူးပေါင်းရင်းမြစ်များ

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

रोमियो 14:14

मय जाने से आउर परबु ईशु ने मोके तय होली से कि कोनी तीज आपन खुद ले अशुद्ध नाई, मान्तर जोन हुनके अशुद्ध समजु आय हुनचो काजे अशुद्ध आय।

रोमियो 14:20

भात चो काजे माहापुरू चो काम नी नशाव। सपाय काई शुद्ध तो आय, मान्तर हुन माने चो काजे खराप आय जेके हुनचो भात ले ठोकरना लगु आय।

रोमियो 15:1

आउर आमी बलबीतामन के जरूरी आय कि कमजोरमन चो कमजोरीमन के सहु, ना कि आपन खुद के हरिक करू।

1 कुरिन्थियो 10:25

जोन काई कसाईमन थाने बिकरी होऊ आय, हुन खाआ आउर बिबक चो लागुन काई नी पचारा?

1 कुरिन्थियो 8:9

मान्तर चेत ने राहा! असन नी होओ कि तुमचो ऐ छुटछाड़ा काहांय कमजोरमन चो काजे ठोकरना चो कारन होऊन जाओ।

1 कुरिन्थियो 9:22

मय कमजोरमन चो काजे कमजोर असन बनले कि कमजोरमन के झिकुन आने। मय सपाय मानेमन चो काजे सपाय काई बनले कि कोनी ना कोनी रीति ले कोनी गोटक चो मुक्ति करायें।

गलातियो 2:12

ऐईकाजे कि याकूब चो बाटले कितलो लोगमन चो ऐतोर पयले हुन दुसर जातिमन चो संगे खाते रलो, मान्तर जिदलदाय हुनमन ईला तेबे खतना करलो बितामन चो डर चो मारे हुन पाटे गुचुन गेलो आउर रेटे होऊक मुरयालो।

1तीमुथियुस 4:4

कसनबल्लोने माहापुरू चो बनालो बिती हरकोनी तीज अच्छा आय, आउर कोनी तीज अस्वीकार करतोर लायक नुआय; मान्तर ऐ कि धन्यबाद चो संगे खाया जाओ,

तीतुस 1:15

शुद्ध लोगमन चो काजे सपाय तीजमन शुद्ध आय, मान्तर अशुद्ध आउर बिश्वासिमन चो काजे काई बले शुद्ध नुआय, मान्तर हुनमन चो अकल आउर बिबक दुनो अशुद्ध आय।

इब्रानियो 13:9

नाना परकार चो भयंकर उपदेशमन ले नी भरमाया जाआ, कसनबल्लोने मन चो अनुग्रह ले जमखम रतोर अच्छा आय, ना कि हुन खातोर तीजमन ले जेचो ले काम संगातो बितामन के काई लाब नी होली।

इब्रानियो 9:10

कसनबल्लोने हुनमन मात्र खातो पिवतोर तीजमन आउर किसम-किसम चो नाहातो बिदी चो आधार थाने देंह चो नियम आय, जोन सुधरातोर समया तक चो काजे नियुक्त करा गेला से।