रोमियो 14:19 - Halbi

¹⁹ ऐईकाजे आमी हुन गोठमन ने लगुन रऊँ जोनमन ले मिला-मिसा आउर गोटक दुसर चो सुदार होओ।

परमेस्वर को सच्चो वचन ख जाननू

¹⁹ अऊर हम असी बात हुन म लगया रह जे न सान्ति ख बढ़ावा मिल अर जिनको दुवारो हम एक दूसरा हुन ख सुधार कर सक हैं।

रोमियो 14:19 ပူးပေါင်းရင်းမြစ်များ

मत्ती 5:9

“धन्य आत हुनमन, जोन मेल करातो बिता आत, कसनबल्लोने हुनमन माहापुरू चो बेटा बलाया जादे।”

मरकुस 9:50

लोन ठीक आय, मान्तर अगर लोन चो सुआद जाते रये दे, तेबे हुनके काय ले खर करा से? आपलो थाने लोन संगावा, आउर आपस ने मिला-मिसा होऊन राआ।”

रोमियो 12:18

जाहां ले होऊक सके, तुमी भरसक सपाय मानेमन चो संगे मेल मिलाप संगाहा।

रोमियो 15:2

आमीमन ले हरकोनी आपलो पड़ोसी के हुनचो भलाई काजे हरिक करू कि हुनचो उन्नती होओ।

1 कुरिन्थियो 10:23

सपाय तीजमन मोचो काजे नगत तो आय, मान्तर सपाय लाब चो नुआय। सपाय तीज मोचो काजे अच्छा तो आय, मान्तर सपाय तीजमन ले उन्नती निआय।

1 कुरिन्थियो 10:33

जसन मय बले सपाय गोठमन ने सपाय के हरिक संगाऊ आय, आउर आपलो नाई मान्तर खुबेमन चो लाब डगराऊ आंय कि हुनमन मुक्ति पाओत।

1 कुरिन्थियो 14:26

ऐईकाजे हे भाईमन, काय करतोर आसे? जिदलदाय तुमी रूंड़ा होऊ आस, तेबे हरकोनी चो मन ने भजन नाहले उपदेश नाहले दुसर भाषा नाहले उजर नाहले दुसर भाषा चो अरत सांगतोर रऊ आय। सपाय काई आत्मिक उन्नती चो काजे होतोर आसे।

1 कुरिन्थियो 14:3

मान्तर जोन अगम गोठ करू आय, हुन मानेमन ले उन्नती आउर उपदेश आउर शान्ति चो गोठमन बोलु आय।

1 कुरिन्थियो 14:4

जोन दुसर भाषा ने गोठयाऊ आय, हुन आपली ची उन्नती करू आय; मान्तर जो अगम गोठ करू आय, हुन कलीसिया चो उन्नती करू आय।

1 कुरिन्थियो 14:5

मय चाहायें से कि तुमी सपाय दुसर भाषामन ने गोठयाआ मान्तर ऐचो ले आगर ऐ चाहायें से कि अगम गोठ करा: कसनबल्लोने अगर दुसर भाषामन बोलतो बिता कलीसिया चो उन्नती काजे अनुवाद नी करे तो अगम गोठ करतो बिता हुनचो ले बडुन भाती आय।

1 कुरिन्थियो 7:15

मान्तर जोन माने बिश्वास नी संगाये, अगर हुन अलगे होओ तो अलगे होऊक दिआस, असन दसा ने कोनी भाई नाहले भईन गांट ने निआत। माहापुरू आमके मिला-मिसा चो काजे हाग दिलो से।

1 कुरिन्थियो 8:1

अदायं मुरतीमन चो पुरे पुजलो बिती तीजमन चो बारे ने आमी जानु से कि आमी सपाय के गिआन आसे। गिआन घमण्ड पयदा करू आय, मान्तर मया ले उन्नति होऊ आय।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

इफिसीयो 4:12

जेचो ले पवितर लोग सिद्ध होऊन जाओत आउर सेवा चो काम कराय जाओ आउर मसीह चो देंह उन्नती पाओ,

इफिसीयो 4:29

काई खराप गोठ तुमचो मुंह ले नी निकरो, मान्तर जरूरत चो अनुसार हुनी निकरो जोन उन्नती चो काजे अच्छा होओ, बल्ले हुनचो ले सुनतो बितामन चो उपरे अनुग्रह होओ।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

2 तीमुथियुस 2:22

ठेंगवा दाय चो इच्छामन ले पराव, आउर जोन शुद्धमन ले परबु चो नाव धरू आत हुनमन चो संगे धरम, आउर बिश्वास, आउर मया, आउर मिला मिसा के पीछा कर।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

1 पतरस 3:11

हुन खराप चो संग छांड़ो, आउर भलाई ची करो; हुन मिला-मिसा के डगरा ओ, आउर हुनचो खोज ने रओ।