रोमियो 14:18 - Halbi

¹⁸ जोन कोनी ऐ रीति ले मसीह चो सेवा करू आय, हुन माहापुरू के भाऊ आय आउर मानेमन ने गरहन लायक ठेबु आय।

परमेस्वर को सच्चो वचन ख जाननू

¹⁸ जे मसी कि सेवा कर हैं, उ परमेस्वर ख प्रसन्न कर हैं, अर लोग हुन को बीच विस्वास लायक हैं।

रोमियो 14:18 ပူးပေါင်းရင်းမြစ်များ

मरकुस 13:34

ऐ हुन माने चो असन गती आय, जोन परदेश जातो समया आपलो घर के छांडुन जाओ, आउर आपलो दासमन के हक देओ: आउर हरकोनी के हुनचो काम जनालो, आउर बाट राका करू के चेत ने रतोर हुकुम दिलो।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

प्रेरितो 10:35

मान्तर हर जाति ने जोन हुनचो ले डरू आय आउर धरम चो कामकरू आय, हुन हुनके भाऊ आय।

रोमियो 12:11

कोशिश करतो ने ठग नी हुआ; आत्मिक हरिक ने भरू राआ; परबु चो सेवा करते राआ।

रोमियो 14:4

तुय कोन आस जोन दुसर चो सेवक थाने दोष लगाऊ आस? हुनचो थीर रतोर नाहले घसरुन जातोर हुनचो मालिक ची ले नाता संगाऊ आय, मान्तर हुन थीर ची करून दिया जाये दे, कसनबल्लोने परबु हुनके थीर संगाऊक सके।

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

रोमियो 6:22

मान्तर अदायं पाप ले छुटछाड़ाय होऊन भाती आउर माहापुरू चो दास बनुन भाती तुमके फल मिरली जेचो ले पवितरता परापत होऊ आय, आउर हुनमन चो आखरी अमर जीवना आय।

1 कुरिन्थियो 7:22

कसनबल्लोने जोन दास चो हाल ने परबु ने हाग दिलोर आसे, हुन परबु चो छुटछाड़ा करलोर आय। असने ची जोन छुटछाड़ा चो हाल ने हाग दिलोर आसे, हुन मसीह चो दास आय।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

2 कुरिन्थियो 5:11

ऐईकाजे परबु चो भय मानुन भाती आमी लोगमन के समजाऊँ आंव; मान्तर माहापुरू थाने आमचो हाल परकट आसे, आउर मोचो आशा ऐ आय कि तुमचो बिबक थाने बले परकट होली से होती।

2 कुरिन्थियो 5:9

ऐई लागुन आमचो मन चो उदुम ऐ आय कि भले संगे रऊं भले अलग रऊं, मान्तर आमी हुनके भावते रऊं।

2 कुरिन्थियो 6:4

मान्तर हर गोठ ले माहापुरू चो सेवकमन चो असन आपलो सदगुणमन के परकट करू आत, बड़े धीरज ले, कलेशमन ले, दरिदरता ले, संकटमन ले,

2 कुरिन्थियो 8:21

कसनबल्लोने जोन गोठमन मात्र परबु ची लगे नुआय, मान्तर मानेमन चो लगे बले नुकु आय आमी हुनमन चो चिन्ता करू आंव।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

कुलुस्सियो 3:24

कसनबल्लोने तुमी जानेसास कि तुमके ऐचो पालटा परबु ले हक मिरे दे; तुमी परबु मसीह चो सेवा करू आस।

1तीमुथियुस 2:3

ऐ आमचो मुक्तिकरू माहापुरू के अच्छा लागु आय आउर भाऊ बले आय,

1तीमुथियुस 5:4

अगर कोनी रान्डी चो पिलामन नाहले नाती पुती आसोत, तेबे हुनमन आगतु आपने ची घरलोगमन चो संगे भक्ति चो बरताव कर, आउर आपलो आया-बुआ बाकी के हुनमन चो हक देतोर सिकोत, कसनबल्लोने ऐ माहापुरू के भाऊ आय।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 2:20

कसनबल्लोने अगर तुमनमन अपराध करून घुंसा खाआ आउर धीरज धरा, तेबे ऐ थाने काय बड़ाई चो गोठ आय? मान्तर अगर अच्छा काम करून दुख उठाऊ आस आउर धीरज धरू आस, तेबे ऐ माहापुरू के भाऊ आय।

1 पतरस 2:5

तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।