रोमियो 14:13 - Halbi

¹³ आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

परमेस्वर को सच्चो वचन ख जाननू

¹³ एकोलाने हम एक दूसरो ख दोस लगान छुड़ा ख आपस म निस्चय कर ले कि कोई अपनो भई ख रस्ता म ठोकर ख कारन म नी पैदा कर अर बनो।

रोमियो 14:13 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

मत्ती 18:7

ठोकरनामन चो लागुन जगत उपरे हाय! ठोकरनामन चो लगतोर जरूरी आय; मान्तर हाय हुन माने चो उपरे जेचो लागुन ठोकरना लगु आय।

मत्ती 7:1

“दोष नी लगाआ कि तुमचो उपरे बले दोष नी लगा ओत।

लूका 12:57

“तुमी खुदे ची तय केंव नी करास कि नगत काय आय?

लूका 17:2

जोन ऐ नानीमन थानले कोनी गोटक के ठोकरना खुआऊ आय, हुनचो काजे ऐ अच्छा होती कि जता चो पाट हुनचो टोडरा ने लटकाया जाति, आउर हुन समुन्द ने डालुन दिया जातो।

रोमियो 11:9

आउर दाऊद बले से, “हुनमन चो भात हुनमन चो काजे जाल आउर फान्दा, आउर ठोकर आउर डण्ड चो कारन होऊन जाओ।

रोमियो 14:10

तुय आपलो भाई उपरे केंव दोष लगाऊ आस? नाहले तुय फेर केंव आपलो भाई के तुच्छ जानु आस? आमी सपाय ले सपाय माहापुरू चो नियाय सिंघासन चो पुरे उबा होवां।

रोमियो 14:3

खातो बिता नी खातो बिता के तुच्छ नी जानो, आउर नी-खातो बिता खातो बिता थाने दोष नी लगा ओ; कसनबल्लोने माहापुरू हुनके गरहन करलो से।

रोमियो 14:4

तुय कोन आस जोन दुसर चो सेवक थाने दोष लगाऊ आस? हुनचो थीर रतोर नाहले घसरुन जातोर हुनचो मालिक ची ले नाता संगाऊ आय, मान्तर हुन थीर ची करून दिया जाये दे, कसनबल्लोने परबु हुनके थीर संगाऊक सके।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 10:32

तुमी ना यहूदीमन, ना यूनानीमन, आउर ना माहापुरू चो कलीसिया चो काजे ठोकर चो कारन बना।

1 कुरिन्थियो 11:13

तुमी खुद ची बिचार करा, काय बायले लेकी के उगाढ़लो मुंडी माहापुरू ले पारथना करतोर सुन्दर देऊ आय?

2 कुरिन्थियो 5:14

कसनबल्लोने मसीह चो मया आमके बेबस करून देऊ आय; ऐईकाजे आमी ऐ समजु आंव कि जिदलदाय गोटक सपाय चो काजे मरलो तेबे सपाय मरून गेला।

2 कुरिन्थियो 6:3

आमी कोनी गोठ ने ठोकरना खातोर कोनी बले मवका नी देऊं बल्ले आमचो सेवा थाने कोनी दोष नी ऐओ।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

याकूब 2:4

तेबे काय तुमनमन आपस ने भेद-भाव नी करलास आउर खराप बिचार ले नियाय करतो बिता नी होलास?

याकूब 4:11

हे भाईमन, गोटक दुसर चो बदनामी नी करा। जोन आपलो भाई चो बदनामी करू आय नाहले भाई उपरे दोष लगाऊ आय; हुन नियम चो बदनामी करू आय आउर नियम थाने दोष लगाऊ आय; आउर अगर तुय नियम थाने दोष लगाऊ आस, तो तुय नियम थाने चलतो बिता नुआस मान्तर हुन थाने हाकिम ठेबलीस।

1यूहन्ना 2:10

जोन कोनी आपलो भाई ले मया संगाऊ आय हुन उजर ने रऊ आय, आउर ठोकरना नी खाऊक सके।

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”