रोमियो 13:13 - Halbi

¹³ जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

परमेस्वर को सच्चो वचन ख जाननू

¹³ जसो दिन ख अच्छो देवा हैं, असो ही हम सिधी चाल चले, नी की लीला-क्रीड़ा अर पियक्कड़ पन म, नी छिनालापन अर भोग विलास, अर झगड़ा अर जलन से दूर रह।

रोमियो 13:13 ပူးပေါင်းရင်းမြစ်များ

लूका 1:6

हुनमन दुनो झान माहापुरू चो पुरे धरमी रवत, आउर परबु चो सपाय हुकुममन आउर बिदीमन थाने दोष नाहलो चलतो बिता रवत।

लूका 16:19

“गोटक सवकार माने रलो जोन बयंजनी फटीई आउर मलमल फिन्दते आउर रोजे दिना सुक बिलास आउर धुम-धाम चो संगे रते रलो।

लूका 21:34

“ऐईकाजे खबड़दार राआ, असन नी होओ कि तुमचो मन खुमार, आउर मतवारपन, आउर ऐ जीव चो चिन्तामन ले सुस्त होऊन जाओ, आउर हुन दिने तुमचो उपरे फान्दा चो असन उधापड़े ऐऊन पड़ो।

प्रेरितो 2:15

जसन तुमी समजेसास, ऐ लोग निशा ने नाई, कसनबल्लोने ऐबे तो पाहरक ची दिन चेगली से।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

गलातियो 5:19

देंह चो काम तो परकट आसे, बल्लोने बेबीचार, घिन-घिना काम ढीला-ढाला,

गलातियो 5:21

डाहा, मतवारपन, खेल-कुद आउर ऐ मन चो असन दुसर-दुसर काम आसे, ऐ मन चो बारे ने मय तुमचो ले पयले ले बोलुन देयें से जसन पयले बोलुन बले चुकले से, कि असन-असन काम करतो बितामन माहापुरू चो राज चो हकदार नी होओत।

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

इफिसीयो 5:15

ऐईकाजे धिआन ले दका, कि कसन चाल चलेसास; बेअकलमन चो असन नाई मान्तर अकल बितामन चो असन चला।

इफिसीयो 5:18

दाखरस ले मतवार नी बना, कसनबल्लोने ऐचो ले लुचपन होऊ आय, मान्तर आत्मा ले भरपूर होते जाआ,

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1 थिस्सलुनीकियो 4:12

बल्ले बाहार बितामन ले मान परापत करा, आउर तुमके कोनी तीज चो घटी नी होओ।

1 थिस्सलुनीकियो 5:17

हरमेशा पारथना ने लगुन राहा।

याकूब 4:5

काय तुमी ऐ समजु आस कि पवितर शास्त्र फकाहा बोलु आय, “जोन आत्मा के हुन आमचो भीतरे बसालो से, काय हुन असने लालच करू आय जेचो करलो फल कुचर होओ”?

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।

2 यूहन्ना 1:4

मय खुबे हरिक होले कि मय तुचो खिन्डिक पिलामन के हुन हुकुम चो अनुसार, जोन आमके बुआ चो बाटले मिरून रये, सत थाने चलतोर भेटले।

यहूदा 1:23

आउर खुबे के आईग थानले झिकुन भाती निकराहा; आउर खुबेमन उपरे भय चो संगे दया करा, मान्तर हुन कुड़ता ले बले घिन्याहा जोन देंह चो दुवारा कलंकीत होऊन गेली से।