रोमियो 12:8 - Halbi

⁸ जोन उपदेशक होओ, हुन उपदेश देतो ने लगु रओ; दान देतो बिता उदारता ले देओ; जोन अगुवाई करो, हुन उदुम ले करो; जोन दया करो, हुन हरिक ले करो।

परमेस्वर को सच्चो वचन ख जाननू

⁸ अदि एक दूसरा ख उत्साह करन को वरदान हैं, ते उत्साहित कर। अऊर एक दूसरा ख देन को वरदान हैं, ते उदारता से दे अर जे ख अगुवाई वरदान हैं ते खुसी से करो, जेख अनुग्रह करन को वरदान हैं ते ओ ख दया करनो चाहिए।

रोमियो 12:8 ပူးပေါင်းရင်းမြစ်များ

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 13:12

तेबे हाकिम जोन होऊ रली हुनके दकुन भाती आउर परबु चो उपदेश ले चकित होऊन भाती बिश्वास करलो।

प्रेरितो 13:15

नियम आउर अगम गिआनीमन चो किताब ले पढ़लोर पाचे आराधना घर चो सरदारमन हुनमन चो लगे बुलावा पठाला, “हे भाईमन, अगर लोगमन चो उपदेश चो काजे तुमचो मन ने काई गोठ आसे तो बोला।”

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 20:2

हुन सपाय परदेश थानले होऊन भाती आउर चेलामन के खुबे हुच हुचाऊन हुन यूनान ने ईलो।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 4:36

यूसुफ नाव साइप्रस चो गोटक लेवी रलो जेचो नाव पठालोबितामन बरनबास (बल्लोने शान्ति चो बेटा) संगाऊ रला।

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

रोमियो 13:6

ऐईकाजे कर बले दिआस कसनबल्लोने शासन करू बिता माहापुरू चो सेवक आत आउर हरमेशा ऐई काम ने लगुन रऊ आत।

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

1 कुरिन्थियो 14:3

मान्तर जोन अगम गोठ करू आय, हुन मानेमन ले उन्नती आउर उपदेश आउर शान्ति चो गोठमन बोलु आय।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

2 कुरिन्थियो 8:12

कसनबल्लोने अगर मन चो तिआर होओ तेबे दान हुनचो अनुसार गरहन बले होऊ आय जोन हुनचो लगे आसे, ना कि हुनचो अनुसार जोन हुनचो लगे निआय।

2 कुरिन्थियो 9:11

तुमी सपाय गोठ ने सपाय परकार चो उदारता चो काजे जोन आमचो दुवारा माहापुरू चो धन्यबाद कराऊ आय, सवकार करा जाहा।

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

2 कुरिन्थियो 9:7

हर गोटक जन जसन मन ने ठानो असने ची दान करो; ना गुरमुरुन आउर ना दबाव ले, कसनबल्लोने माहापुरू हरिक ले देतो बितामन ले मया संगाऊ आय।

इफिसीयो 6:5

हे दासमन, जोन लोग ऐ संवसार ने तुमचो मालिक आत, आपलो मन चो सीदा ले डरते आउर थरथरते, जसन मसीह चो असने ची हुनमन चो बले हुकुम माना।

कुलुस्सियो 3:22

हे सेवकमन, जोन देंह चो अनुसार तुमचो मालिक आत, सपाय गोठमन ने हुनचो हुकुम चो पालन करा, मानेमन के हरिक करतो लोगमन चो असन दकातो काजे नाई, मान्तर मन चो सोज आउर माहापुरू चो डर ले।

1 थिस्सलुनीकियो 2:3

कसनबल्लोने आमचो उपदेश ना भरम ले आय आउर ना अशुद्धता ले, आउर ना छंद चो संगे आय;

1 थिस्सलुनीकियो 2:8

आउर असने ची आमी तुमचो लालच करते, ना मात्र माहापुरू चो नगतखबर थाने आपलो-आपलो जीव बले तुमके देतोर तिआर रलु, ऐईकाजे कि तुमी आमचो लाड़रा होऊन जाऊ राआस।

1तीमुथियुस 4:13

जिदलदाय ले मय नी ऐये, हुदलदाय ले पढ़तोर आउर उपदेश देतोर आउर सिकातो ने मतभुल रा।

1तीमुथियुस 5:17

जोन सियान अच्छा जुगाड़ करू आत, खास करून हुनमन जोन बचन सुनातोर आउर सिकातोर थाने मसागत करू आत, दुय गुना ईजीत चो लायक समजा जाओत।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

इब्रानियो 10:25

आउर गोटक दुसर चो संगे रूंड़ा होऊक नी छांडु, जसन कि कितलोमन चो रीति आय मान्तर गोटक दुसर के समजाते रऊ; आउर जसन-जसन हुन दिन के लगे ऐतोर दका असने-असने आउर बले खुबे ऐ करते रहा।

इब्रानियो 13:17

आपलो अगुवामन चो हुकुम माना आउर हुनमन चो अधीन राहा, कसनबल्लोने हुनमन-हुनमन चो असन तुमचो जीवमन चो काजे चेता रऊ आत जोनमन के लेखा देऊक पड़ेदे; हुनमन ऐ काम हरिक ले करोत, ना सितर फुंडा धरून-धरून भाती, कसनबल्लोने ऐ दसा ने तुमके काई लाब निआय।

इब्रानियो 13:22

हे भाईमन, मय तुमचो ले बिनती करेंसे कि ऐ उपदेश चो गोठमन के साहा, कसनबल्लोने मय तुमके खुबे नगत ले लिकले से।

इब्रानियो 13:24

आपलो सपाय अगुवामन आउर सपाय पवितर लोगमन के जुहार बोला। इटली बितामन तुमके जुहार बले सोत।

इब्रानियो 13:7

जोन तुमचो अगुवामन रवत, आउर जोनमन तुमके माहापुरू चो बचन सुनाला, हुनमन के सुरता संगाहा; आउर धिआन ले हुनमन चो चाल-चलन चो आखरी दकुन भाती हुनमन चो बिश्वास चो नकल करा।