रोमियो 12:12 - Halbi

¹² आशा ने हरिक राआ; कलेश ने थीर राआ; पारथना ने हरमेशा लगु राआ।

परमेस्वर को सच्चो वचन ख जाननू

¹² आसा म आनन्दित रह; दुख म पक्को रह; प्रार्थना म लगातार लगो रह।

रोमियो 12:12 ပူးပေါင်းရင်းမြစ်များ

मत्ती 5:12

तेबे हरिक आउर उदुम हुआ, कसनबल्लोने तुमचो काजे सरग ने बड़े ईनाम आसे। ऐईकाजे कि हुनमन हुन अगम गिआनीमन के जोन तुमचो ले पयले रवत ऐई रीति ले कन्दराऊ रला।

लूका 10:20

तेबले बले ऐचो ले खुशी नी हुआ कि आत्मा तुमचो वश ने आसे, मान्तर ऐचो ले खुशी हुआ कि तुमचो नाव सरग ने लिकलोर आसे।”

लूका 21:19

आपलो धीरज ले तुमी आपलो जीवमन के बचाऊन संगाआ से।

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

प्रेरितो 1:14

ऐ सपाय कितलो बायले लेकी आउर ईशु चो आया मरियम आउर हुनचो भाईमन चो संगे गोटक मन होऊन भाती पारथना ने लगुन रवत।

प्रेरितो 12:5

जयलघर ने पतरस बंद रलो; मान्तर कलीसिया हुनचो काजे मन लगाऊन भाती माहापुरू ले पारथना करते रली।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

प्रेरितो 6:4

मान्तर आमी तो पारथना ने आउर “बचन चो सेवा ने लगुन रवां।”

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

2 कुरिन्थियो 12:8

ऐचो बारे ने मय परबु ले तीन हार बिनती करले कि मोचो ले ऐ दूर होऊन जाओ।

फिलिप्पियो 3:1

ऐईकाजे हे मचो भाईमन, परबु ने हरिक राआ। हुनी ची गोठमन तुमके घन-घन लिकतोर ने मोके तो काई तकलीस नी होये, आउर ऐ थाने तुमचो उदुम आसे,

फिलिप्पियो 4:4

परबु ने हरमेशा हरिक राआ; मय फेर बलेंसें, हरिक ने राआ।

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

कुलुस्सियो 4:2

पारथना ने लगुन राहा, आउर धन्यबाद चो संगे हुनचो ने जागरत राहा;

1 थिस्सलुनीकियो 1:3

आउर आपलो माहापुरू आउर बुआ चो पुरे तुमचो बिश्वास चो काम, आउर मया चो मसागत, आउर आमचो परबु ईशु मसीह ने आशा चो धीरता के सरलगा, सुरता करूं आंव।

1 थिस्सलुनीकियो 5:8

मान्तर आमी जोन दिन चो आंव, बिश्वास आउर मया चो झिलम पिन्दुन भाती आउर मुक्ति चो आशा चो टोप पिन्दुन भाती खबड़दार राहा।

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

2 तीमुथियुस 3:10

मान्तर तुय उपदेश, चाल-चलन, मनसा, बिश्वास, सयनशक्ति, मया, धीरज आउर कन्दराया जातोर, आउर दुख उठातो ने मोचो सात दिलीस;

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

इब्रानियो 10:32

मान्तर हुन पाटे चो दिनमन के सुरता करा, जोन थाने तुमी उजर पाऊन भाती दुकमन चो बड़े भुगतोर ने थीर रलास।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 5:7

ईशु आपलो देंह ने रतोर दिनमन ने बड़े जोर ले हाग देऊन हाग देऊन भाती आउर आँसु बहान-बहान भाती हुनचो ले जोन हुनके मरना ले बचाऊक सकते रये, पारथनामन आउर गुहार करलो, आउर भक्ति चो लागुन हुनचो सुना गेली।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

इब्रानियो 6:15

आउर ऐई रीति ले हुन धीरजा धरून भाती बायदा करलो बिती गोठ परापत करलो।

याकूब 5:7

ऐईकाजे हे भाईमन, परबु चो ऐओत ले धीरज धरा। दका, किसान धरतनी चो बड़े मोल फसल चो आशा संगाते-संगाते मुयला आउर आखरी बरसा होओत ले धीरज धरू आय।

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,

प्रकाशितवाक्य 13:10

जेके कयद ने पड़तोर आय हुन कयद ने पड़े दे; जोन तलवार ले मारे दे, जरूरी आय कि हुन तलवार ले मारा जाय दे। पवितर लोगमन चो धीरज आउर बिश्वास ऐई थाने आसे।